On Mon, 5 Mar 2001 16:33:14 +0000, Esteban Avey
<[log in to unmask]> wrote:

>Salute a totos!
>
>Io ha revenite! Io esseva absente durante un large
>periodo perque io esseva "victima" de un suspension de
>labor e mi compania ha interrumpte mi accesso al Internet
>immediatamente. Nunc io ha un nove posto que io ama e ha
>novemente accesso al Internet!

Salute, e benvenite retro. Io non crede que nos previemente nos ha
incontrate. Io es un interlinguaparlante relativemente nove de
Groningen (Nederland), 27, masculin.

Pro informar omnes qui non ja lo sape, mi activitates currente relative
a interlingua es como seque:

* un directorio de sitos web in/super interlingua:
http://dmoz.org/Science/Social_Sciences/Language_and_Linguistics/
Constructed_Languages/Interlingua/

* membro del gruppo de coordination de un hierarchia de gruppos de
discussion Usenet multilingue (!) super themas europee, in que
interlingua joca un rolo auxiliar pro le denomination del gruppos e
publication de documentos:
http://www.europa.usenet.eu.org/  (information general/technic)
http://www.mailgate.org/europa/  (participation via web)

* circulo de sitos web in/super interlingua:
http://webring.internodio.cjb.net/

* summarios de novas international (infrequentemente actualisate):
http://internodio.cjb.net/

Felicitationes pro retrovar un bon empleo.

- Martijn