Es il possibile dicer que le facto que nos pensa que le cultura russe tanto
differe del cultura europee es proque le pais es tanto grande. Durante
alcun annos de mi infantia vivite in le terrenas rural circum Uppsala, io
era in un ambiente in le qual nulle persona parlava un lingua estranier.
Forsan si le rura svedese era tanto grande como le russe, on etiam dicerea
que le urbes es populate mer un _elite_ culturate e in le rura habita un
populo con un totalmente altere cultura! Forsan le grandor rende Russia
tanto differente.

Quanto al fundamentalistas religiose - de omne possibile religiones - illes
remane in le stadio del 11-e seculo con le credentia in un stato
theocratic.

Mesmo in le Svedia del 17-e seculo on usava le vetere testamento como conan
in certe processos juridic. Le executiones del magas era un producto de un
exaggregate uso del Biblia.

Il ha etiam un tendentia, pro exemplo intra islam, de acceptar le societate
secular, tanto ben como christianos lo face. A mi aviso il es periculose
pinger demonios ubi illes non existe, pro del altere latere vider los,
quando illes se manifesta. (O forsan un demonio es un _illo_? Opiniones!)

Imagina lo que occurrerea si cata infante russe habeva apprendite
interlingua, e imagina al mesme tempore que occurre, si tal cata infante
scholar russe habeva apprendite esperanto, e face vostre proprie
conclusiones. Ecce un poco de adjuta:

Cata svedese qui ha studiate un poco de francese, pote comprender cata
persona del juvene generation. Russia darea tremendemente, e non solo
consumarea consultos occidental como nunc. Malgrado su deplorabile stato
presente, Russia ha multo pro apprender al mundo circum illo, e con vostre
permission de esser un poco plus utopic, io es convincite que per un libere
multilateral intercambio - ubi interlingua pote jocar un importante rolo -
Russia poterea solver su problemas multo plus rapido quam nunc, quando ille
pais tenta imitar patronos del Statos Unite e paises europee occidental sin
le possibilitate de ruminar le impressiones secundo su proprie
preconditiones.

Per isto io finalisa mi excursos in le mundo utopic de imaginationes,
retorna al frigide quotidianitate, e constata que _multe personas_ jam sape
interlingua, le latino moderne pro gente moderne.




[log in to unmask]
Kjell Rehnstroem
Vaenortsgatan 87
S-752 64  UPPSALA
Svedia - Sweden