Ingacio scribeva de un viage a Tunisia e se recordava le facto que in
espaniol on ha un expression _ojal_. Io ha audite le forma _Ojalá_.  Io
nunquam ha pensate que de un origine, ma isto sona multo probabile.

Le drogas in Svedia - tentativo de un description

Omne cosas, drogas o non, ha essite le preoccupation del stato. On es
tentate comenciar con le fungos del vikings. Illes los consumava pro venir
in le stato de un _berserk_. Lassa nos nonobstante saltar alcun seculos
plus proxime a nostre tempore e constatar que le humanos mangiava multe
alimentos insalate. Pro isto on debeva biber multo. Principalmente on
bibeva bira debile.

Le prime sortas de alcohol forte era destillatos de vino, e pro isto on la
appellava _"vino burite". Plus tarde on apprendeva facer le vodka de
cereales: hordeo e secale.

Primo le alcohol era medicina e on lo prendeva in coclearatas.

Io crede que in le 17e seculo le stato (o plus tosto le rege) comprendeva
que ille poteva prender taxas pro le spirito. Plus tosto on creava un
monopolio statal secundo le qual solo le destillerias statal habeva le
derecto de vender spirito.

Restrictiones analoge era etiam in relation a caffe, the e cacao. In multe
paises, non solo in Svedia, on non habeva le derecto vestir se "supra su
stato" e le uso de caffe, the, e cacao frequentemente era reguardate como
luxo, non licite al classes basse.

Quanto a caffe on lo interdiceva, plure vices,  proque illo poneva troppo
peso sur le financias del pais. Le gente tamen amava multo su caffe, e in
le contexto de omne interdictos de caffe in un instante patron e omne su
subalternos de un latifundio arrangiava un ver interramento del servicio de
caffe con omne signos de funebritate!

Omne iste interdictos era levate e reintroducite a causa del contrabanda
tremende.

Quanto al alcohol, le grandissime consumtion comenciava durante le guerra
de 30 annos in le 17-e seculo.

In le 19e seculo special fabricas statal in grande scala e pro exemplo le
pastores parochial in scala minor habeva le drecto producer e vender
spiritos.

Como in le paises de lingua anglese il etiam in Svedia surgeva un movimento
pro sobrietate. Iste movimento habeva su fundo in le communitates religiose
dissentiente (in relation al ecchlesia statal protestantic), in le
movimento liberal (que fundava le prime circulos de education del populo) e
le movimento laborista (solo le laborista sobrie poterea luctar pro su
derectos).

Pro abbreviar un longe historia, in 1922 il habeva un referendum - le prime
in Svedia - in le qual on votava in favor de un interdiction total del
venta de bibitas alcoholic, forciate per le movimento de sobrietate. Le
alternativa in favor de un interdicto perdeva per un pauc numero de votos e
le systema de venta limitate continuarea. In iste systema cata viro super
le etate de 25 annos habeva le derecto comprar. Feminas maritate non habeva
le derecto posseder un libro de compra. Iste systema prevaleva usque 1956.
quando on aboliva le libros de compra e le "alcohol era libere".

Le resultato de iste multo restrictive systema de venta era que le
consumption de alcohol pro cive era multo basse e le maladias con relation
al alcohol relativemente basse. Gente non bibeva multo salvo durante le
festas. Durante le tempore de libros de compra cata possessor de un libro
poteva comprar 3 litros pro mense e un poco extra al occasion de
aniversarios e festas public.

Un adherentes de plus libere conditiones de venta allegeva que le
restrictiones menava a isto que le bibitas alcoholic era alque necessari.
Il basta observar nostre comportamento in le magasines de venta sin taxas
al aerodromos international e in le paises touristic con alcohol a basse
precios

Deste iste tempore on comprava le spirito in le botecas special de venta de
vinos e spirito. On deberea haber minimo 21 annos e posseder un carta de
identitate de alcun sorta.  Iste venta era un monopolio statal e il era
quasi impossibile importar vinos e altere bibitas - proque il costava
enorme summas e era in practica impossibile e non-profitabile. Le persona
qui recipeva un pachetto con un bottilia de vino del extero non era
gaudiose :-)

Le resultato de iste politica in un senso era positive - viste al sanitate
public. Illo era negative viste que le restrictiones creava un innecesse
aureola de festa circum le bibitas. Pro isto on proponeva un liberalisation
del venta.

(Va continuar)



Kjell [log in to unmask]
Kjell Rehnstroem
Vaenortsgatan 87
S-752 64  UPPSALA
Suedia - Sweden