Excusa me pro ancora un intervention:

Esque "saltator" non es in prime loco un termino de sport?
Io rarmente salta, non mesmo sur le gazon.

IED prescribe  essame pro angl. swarm.
Examine  es un parola totalmente universal in le senso
de angl. exam.
Si il ha un phenomeno in Interlingua que es "superflue,
e absolute non necessari", iste phenomeno es le homonymos.
Un lingua auxiliar inter parlatores multinational debe esser
maximalmente inambigue.   Si le linguas romanic partiva ab
"examine=swarm", proque alora ha illos non retenite iste
forma?  Responsa: le lingua _functiona_  melio usante duo
parolas differente pro duo conceptiones differente.  (Le
monosemia non es sempre realisabile, sed un sorta de un ideal.)
Le ver ideal es comprender e esser comprendite correctemente.
(Oh la, la, qual discoperta sensational!)

Nunc, retro al passato.  Ante alcun minutas io legeva in Novas
de I-a de 1954 que un nove juvene doctor de economia habeva
trovate un lacuna (seriose!) in IED: nulle parola pro "income".
Le juvene doctor, a qui nos debe nostre "invenito" es Leland
Yeager!     E in le Bulletin del UMI pro junio 1955 io trovava,
sur le mesme pagina Stanley A. Mulaik, studente in biologia e
philosophia, n. 1935, e Ingvar Stenström, cand. phil.!
Salute a vos, ancian fratre in armas, como dicerea Allan!
Le tempore fugi...sed nos resta...

Salutes cordial,
Ingvar


Ingvar Stenström,
Vegagatan 12, S-432 36 Varberg, Svedia
Tel. +46-/0/340-15053
<[log in to unmask]>
<[log in to unmask]> <[log in to unmask]>
<http://www.interlingua.com>