"Lucifer" non refere al diabolo, ma al stella de
matino. In latin, "lux" (genitivo "lucis") significa
"lumine," e "ferre" significa "portar," e le stella
de matino es le annunciator del lumine del matino; in
greco le parola equivalente al latin "Lucifer" es
"Phosphoros."
Un del prophetas biblic (io non memora cual in iste
momento) ha dicite, in un referentia al tyrannia de
Assyria (le imperio plus potente e oppressive in le
munde in ille tempore, que regnava super multe populos
includente le judeos): "O stella de matino, como tu es
descendite." Isto era un prophetia in le cual le
stella de matino era un metaphora pro Ninevah, le
citate que era le capital de Assyria, le Paris o Nova
York de su die, le citate plus grande, magnificente, e
potente, lucente como le stella de matino--un die, le
propheta dice in su prediction, iste stella descendera
e perdira su poter.
Infelicemente, le ancien christianos non comprehendeva
le ver significantia de iste metaphora, e inventava
un persona "Lucifer" pro qui le parolas prophetic era
literalmente intendite.
In le mesme maniera (i.e. per causa de un error in
traduction) le christianos credeva que "Satan" era un
nomine del diabolo, perque le parola hebree "satan"
(que significa "inimico") es usate casos sin alcun
altere referentia in duo casos biblic (un vice in le
historia de Job, un vice in le historia de David).
Le diabolo non era un figura original in le mythologia
judee, e nonobstante que ille ha essite un parte de
nostre folklore durante plus que 2,500 annos, ille non
es considerate ver per le rabbinato; ma ille deveniva
un parte official de christianitate e islam.
Originalmente, le diabolo era Ahriman, le gemino obscur
de Ahura Mazda in le dualismo zoroastrian. In 539 BCE
le shah Cyrus le Grande, le fundator del imperio
persian, ha liberate le judeos del famose captivitate
babylonian, e postea ha mandate que nostre templo sera
reconstruite in Yerushalayim (Jerusalem).
Ante le liberation, in anticipar lo, deutero-Isaiah (le
secunde del duo prophetas cuje prophetias era jungite
pro facer le libro de Isaiah) ha appellate Cyrus (cuje
nomine es scripte "Khoresh" in le transliteration
hebree) "moshiach" ("Messia"). E como un consequentia
cultural/religiose de iste contacto inter judeos e
iranianos, nos judeos ha recipite per le zoroastrianos
lor idea dualistic de un deo tenebrose in contrasto al
deo de lumine. E de judaismo, iste figura mythologic
ha devenite un parte de mythologia de christianos e
musulmanes alsi.
-Julio le afikoros
Mario ha inviate iste texto de Britannica:
> > On that day the eldest daughter of the family
> > traditionally dresses in a white robe and wears as
> > a crown an evergreen wreath studded with candles.
Kjell ha respondite:
> In nostre tempores on elige le plus belle et "luciagenic" juvena. On ha mixate le
> nomine de Lucifer, qui parta le luce. Le relation al diabolo ego non totalmente
> cognosce.
|
