Io rememora un eclipse total del sol in cerca 1980 (?) que esseva le
plus dramatic pro me. Le centro del umbra del luna passava directemente
per le centro del campo a Georgia Tech a cerca le mediedie. Il ha un
grande plaza in fronte del Centro de Studentes, ubi hodie le campanile
vidite in le television durante le Jocos Olympic es locate.  Il habeva
2 milles de personas sedite in anticipation del eclipse.  Alcun facultate
del departimento del physica esseva illac con un lente e mirror pro
projicer le imagine del sol super le muro del Centro de Studentes in un
loco umbrose.  Io e mi sposa e mi duo filios attendeva con mi parve
telescopio con un schermetto super le qual a projicer le imagine del sol.
(On non debe reguardar le sol durante le eclipse, proque on pote cecar se.)
Le occasion esseva multo festive.

Lo que esseva inusual, e io ha vidite isto durante altere eclipses partial,
es que le lumine per le folios projice imaginettas del sol super le solo
sub le arbos, parve "lunettas".

Nos habeva bon fortuna con le tempore.  Le celo esseva totalmente clar.
Le aere alquanto frigide. Quando le eclipse total veniva, subitemente
toto esseva tenebrose, que durava circa un minuta.  Postea, quando io
promenava a mi officina, io meravilliate al numerose lunettas al base
del arbos, facite per le projection del imagine del sol super le solo.

Stan Mulaik