Car Ado!

Si, multe svedeses non ama le UE a causa del grande poter del commission e 
le troppo parve influentia del parlamento. Isto duce al troppo grande 
influentia pro le grande paises que sovente ha demonstrate arrogantia verso 
le parve paises. Svedia debe pagar plus (netto) que altere paises.
Un altere causa es le presumption francese exiger que le parlamento debe 
vader a Strasbourg cata mense, un dissipation idiotic de moneta solmente pro 
satisfacer le prestigio francese e illes mesmo refusa discuter iste cosa. In 
iste dies le augmentation injustificate del salarios in UE, que jam es alte, 
ha causate un ira comprendibile quando tote le mundo es in crise financial.
Un altere causa es que le UE se occupa troppo con cosas futile.  Exemplos 
famose es le formas de bananas e le contento de cacao in chokolate ma on non 
ha succedite decider re le systema ferroviari que facerea possibile conducer 
trainos trans le bordieras sin problemas. Tamben in iste question il pare 
que prestigio francese es le impedimento.
Le developpamento del politica militari tamen es in dubita.
Dunque al minus quatro cosas que secundo mi opinion face le svedeses 
suspiciose al UE, ma il ha plus.
- troppo grande poter del commission e le grande paises
- dissipation de moneta
- dedication a cosas futile in vice de cosas importante
- un politica militarisate

In plus io desira adder a mi explication le altere die del logo del 
Societate Svedese de Interlingua (SSI)  que le colores blau e jalne es le 
colores del bandiera svedese e isto esseva le causa pro le qual Ingvar 
Stenström desirava iste colores, non que iste colores es le colores del 
bandiera del UE.

Con salutes europee,
Erik Enfors
Vallåkergat.25
SE-432 37 VARBERG
Svedia
Tel: +46 (0)340-875 45
(Mobil: +46 (0)730  65 60 21)
Skype: untorrente
e-post: [log in to unmask]


Milliones de personas comprende interlingua immediatemente.
www.interlingua.com

----- Original Message ----- 
From: "Ado Hall" <[log in to unmask]>
To: <[log in to unmask]>
Sent: Saturday, October 11, 2008 1:13 AM
Subject: Re: [INTERLNG] Proque ha le logo del SSI le symbolos del UE...?


Iste thema me interessa. An le UE enoia (o vexa) multe svedos?

cordialmente
Edo

2008/10/10 Erik Enfors <[log in to unmask]>:
> Car amicos!
>
> Le logo de SSI que es designate ante plure annos per Ingvar Stenström (ma
> non ha essite usate usque al ultime anno), ha nulle connexion a UE excepte
> que il ha stellas. Al contrario io, qui cognosce Ingvar multo ben, pote
> assecurar que Ingvar mesmo quasi odia UE, e de facto ille es un poco
> annoiate per le suspicion que il ha un connexion con UE. Un altere cosa es
> que interlingua esserea un lingua perfecte pro le UE.ma isto ancora 
> solmente
> es un sonio.
> Ingvar ha date iste pensatas como explication del symbolo:
> Interlingua es un ponte. Ille ponte ha duo fundamentos, le latino e le 
> greco
> (le duo stellas sub le ponte). Le cinque stellas super le ponte es le 
> cinque
> linguas de fonte.
> Io opina que isto es un multo bon pensata e illo excusa le similaritate 
> con
> le bandiera del UE.
> Illes qui non ha vidite iste logo pote vider lo in mi blog
> www.untorrente.blogspot.com  (a basso, sub le articulo re sculpturas in
> Varberg)

--
Archivos e disabonar: http://listserv.icors.org/archives/INTERLNG.html 

--
Archivos e disabonar: http://listserv.icors.org/archives/INTERLNG.html