Salute,
Un _jänkare_ (ja¨nkare) in svedese es un persona del Statos Unite o un auto
del mesme pais. Ante multe annos il era un film comedia svedese que se
appellava _Jänken_ (que obviemente alludeva a un infante que un juvena
habeva con un cive del dicte pais). Ego - non sape proque - non videva le
film. Forsan non era billetes. Forsan illo - le film - non era assatis
amusante in mi prejudicio. 

Le ver discoperator de America post le aborigines (american) ipse era Leif
Eriksson un grenlandese/islandese/norvegese. Ille ha NIHIL commun con le
entreprisa Ericson svedese - salvo forsan le nomine :-)

In nostre television il era le narration de un scriptor norvegese qui
seriosemente manteneva que Christoforo Columbus era ... norvegese.

Per consequente scandinavos dava le initio de e America e Russia. 

Quanto a Russia historicos russe dementa isto fortemente, e il era un
conferentia de historicos svedese e russe (sovietic) alcun annos retro ubi
on habeva totalmente differente punctos de vista in iste campo. 

Historia ha le tendentia esser multo nationalista e pro isto il pote esser
interessante leger le historia de altere paises e non solo le proprie. In mi
schola nos incontrava scholares de Danmark e nos parlava de nostre varie
historias. Isto esseva multo interessante. 

Ego ha un sonio, que scholares in le futuro discutera le historia de su
varie paises in pace e sin aggressiones comparante le varie punctos de vista
del inseniamento de historia in le varie scholas. Que illos lo facera in
interlingua es un parte integre del sonio.

Historicamente

Kjell Rehnstroem    
Vaenortsgatan 87      
S - 75264 Uppsala
email: [log in to unmask]