Secun le recercas pro un projecto de IBM
su Integrator de Information de base de datos
DB2 essera appellate Xperanto, Le "IBM DB2
Information Integrator" es designate pro cercar
information ab multe ressources al mesme tempore.
Le compania va comenciar un test del programma
al prime parte de iste anno.

Con iste programma IBM essaya simplificar le
creation de applicationes que reclama information
ab un varietate de bases de datos disparate.
Le producto alsi facilitarea que companias usa
un sol medio pro obtiner accesso ambe a bases
de datos relational e a datos sin structura proprie
in documentos etc.

"Il ha un grande movimento pro reimplaciar
information analog in papiro o microfiche e digitalisar lo.
Companias lo face nunc proque il es de costo melior pro
immagazinar, e accessar e recuperar le information in iste
maniera." diceva Janet Perna, manager general del gruppo
de datos in IBM.

Pro exemplo, quando un persona telephona un centro
telephonic, le servitor de integration de datos poterea
trovar information ab varie bases de datos e facilitar
le servicio e responder al demandas del persona.
Le "DB2 Information Integrator" venira in duo versiones:
Un del duo versiones essera pro programmatores de
"Structured Query Language" (SQL), e in iste version
IBM incorporara capabilitates pro programmar e
recercar datos usante  XML e su linguage extensibile
pro bases de datos "XQuery language" assi le nomine
"Xperanto".