Car Omnes,

On facilemente constata in iste foro que il ha alcun miscomprensiones e
interpretationes personal phantasiose super lo que es (o debe ser) le
transcription phonetic de un lingua; in concreto, de interlingua. Le sol
travalio remarcabile in le campo del phonologia de interlingua es le
articulo per Ingvar Stenström «Problemas fonetic de linguas international o
le pronunciation del lingua international», publicate in* Interlinguistica*
*e interlingua e *(SSpI, 2009, pp. 20-27). Ben que le studio es un valorose
contribution pro le creation de un alphabeto phonetic (al qual on pote
totevia facer alcun criticas), es un pena que le maestro svedese non ha
prosequite su labor usque a arrivar al establimento final de un carta
phonetic.

Alcun annos retro, post leger le articulo supracitate, io prendeva in manos
le creation de un carta pro establir un tal alphabeto e ora, post observar
que il ha hic alcunos interessate in iste thema, io ha revidite mi travalio
e lo invia attachate.  Como indica le subjecto de iste *post *illo es in
phase de perfectionamento e omne commentarios, correctiones e propositiones
son benvenite si debitemente fundamentate.
(Le documento attachate es mermente synoptic e, dunque, non describe le
conceptos theoric e practic super le quales io me basava; pro illes
interessate in comprender e approfundar iste thematica on consilia le
lectura del obras indicate in le Bibliographia - e alteres).

Isto pote parer un cosa sin importantia, o mesmo un discussion byzantin,
pro alcunos, ma como on pote(rea) conciper le inseniamento de un lingua (al
nivello scholar secundari e universitari) sin un tal utensile?


Salutationes,
cs
-- 
PS Iste thematica ha solo indirectemente a vider con le tentativa non
phonetic (e un poco «chaetic») de trovar un qualcunque systema de
pronunciation a omne precio.
_________________
www.interlingua.com


--
Pro leger le archivos e pro modificar o cancellar le subscription:
http://listserv.icors.org/archives/interlng.html