Traducite del italiano:
http://www.repubblica.it/online/tecnologie_internet/chiocciola/chiocciola/chiocciola.html

Il ha qui dice "coclea", qui dice "cocleetta", qui face le experto e
dice "at", in anglese. Totes recognosce le symbolo que sta in le
medio de un adresse de posta electronic: le @. Mais de ubi veni
illo? Qui ha pensate de utilisar lo facente devenir lo un del
characteros plus importante del rete? Proque selectionar justo le
symbolo @? E, super toto, qui lo ha inventate?

Le resposta a tote iste/aqueste demandas, nos porta retro de al
minus cinque seculos. Le @, traciate exactemente como illo es hodie,
compare in alcun scriptos del '500. Illos es scriptos commercial,
litteras mercantil. E illos es italian. Venetian, pro esser precise.
Como, del florente economia del Serenissime [Repubblica, ndr],
passante a transverso le imperio naval anglese e tangente le mundo
arabe e le Espania, le @ ha disbarcate supra internet, il es un
viage que Giorgio Stabile (docente de historia del scientia del
universitate "La Sapienza" de Roma) discoperiva.

Stabile, curante un recolta photographic pro le "Istituto Treccani"
que debera contener tote le factos importante del seculo, ha
approfundite le origines de multe del aspectos del nove
technologias. Inter istos, il non poteva mancar internet, ni le
revolution in le communicationes que ha impresse le evenimento del
posta electronic. E ecce dunque le recerca del origines del estranie
signo presente supra le clavieros del PC de tote le mundo.

D. Professor, como comenciava le recerca?
R. Del mundo anglosaxon. In le characteros typographic del seculo
passate, le @ assume le significato de "at a price of", al precio
de. Un symbolo exquisitemente commercial. Ha essite isto le indicio
que dava initio al recerca retro a transverso le tempore. Symbolo
commercial, dunque. Ergo, Stabile reconta, nos besoniava cercar in
quelle direction le avo que consentiva al mundo anglosaxon de poter
lo utilisar.
"Necun symbolo nasce del nihil, e necun symbolo es selectionate per
hazardo", dice le professor.

Alora, gratias a un par de adjutas del schola paleographic roman,
Stabile ha consultate documentos mercantil italian de proprietate
del instituto international de historia economic "Francesco Datini"
de Prato, curate per Federigo Melis. Bingo! Sequente le direction,
Giorgio Stabile discoperiva que le @ representava un icona del
mercantes italian (super toto venetian), qui lo utilisava como
abbreviation commercial del amphora, unitate de peso e capacitate de
origine antiquissime.

Duo indicios non face un prova. E alora ecce le tertie que confirma
le universalitate del symbolo. Stabile ha facite un altere passo
retro. Anno 1492 (al appassionatos de coincidentias non fugera
aqueste aspecto): un dictionario espaniol-latino traduce le parola
"arroba" con "amphora" e i.e. demonstra que le duo unitates de
mesura es cognoscite E in le mundo arabo-ispanic E in lo greco-latin.

D. Mais alora professor como on arrivava del acception commercial a
lo del cyberspatio?
R. "Merito de Ray Tomlinson, un ingeniero american. Ille es un del
patres de internet, ille ha essite le prime a individuar un systema
de posta electronic pro utilisar lo supra Arpanet, le avo del rete.
Ille besoniava un symbolo pro insere lo inter le nomine del
destinatario e le percurso pro arrivar al servitor ubi isto era
hospitate. Il era le initio del annos Sexanta. Tomlinson se ha
trovate supra le claviero proque, como nos ja diceva, le anglosaxon
ha continuate a servir se de illo con le acception de "at price of".
E ecce resolvite le mysterio".

D. In summa, uno poterea tranquillemente substituer le expression
"coclea" con le expression "amphora"?
R. Si, si uno vole. Mais ultra le diffusion del symbolo in le mundo
arabe, que nos non oblida le merito del italianos. A proposito, io
suspecta, mais io besonia de tempore pro approfunder le recerca, que
le symbolo @ habeva essite utilisate tamben per Leonardo de Vinci.
Nos videra."

--
Archivos e disabonar: http://listserv.icors.org/archives/INTERLNG.html