Con respecto al bon tempore e temperatura, hodie il ha un celo blau, un
temperatura de circa 15 grados C.  Il esseva un bon die a conducer mi
automobile via le autostrata a Jasper, Georgia, circa 90 km de mi
bureau a Georgia Tech in le centro de Atlanta.  Proque ha io facite iste
jornia?  Io es preste de dicer, pro vider le parve montanias alla, mais
in realitate, Jasper es ubi io ha comprate mi automobile, e le
venditor, "Jasper Jeep Chrysler, Dodge & Plymouth" es locate presso
le autostrata a Jasper,  Mi automobile habeva le necessitate de cambiar
su oleo.  Jasper Jeep ha un maxime grande garage e excellente servicio.
E le ration io ha comprate mi automobile a Jasper Jeep initialmente
esseva proque illes carga solmente le precio del fabrica plus $250.
Il ha necun negotiationes, proque nihil es necesse.  Lor precio es melior
que on pote obtenir a alcun altere venditor de tal automobiles in le
region circa Atlanta.  Mais Jasper Jeep es famose proque illo es le
plus grande venditor de "jeeps" in le Statos Unite e possibilemente in
le integre mundo.  (Le jeep esseva le parve vehiculo usate per le
militar in Europa in Guerra Mundial II).  On reconta le historia como
le fundator de Jasper Jeep comenciava su casa de commercio.  Circa 25
annos retro le fundator esseva in Jasper pro alcun ration.  Ille non habeva
multe moneta.  Jasper esseva un parve urbe al nordwest de Atlanta circa
90 km.  Le ferrovia passa per le urbe e divide lo in duo sectores. Il ha
un strata primari e plure altere stratas.  Il non ha multo.  Nonobstante,
le fundator de Jasper Jeep habeva alcun necessitate de visitar le venditor
de Jeeps in Jasper.  Le commercio passa lentemente.  Le proprietator del
venditor de Jeeps in Jasper indicava que le commercio esseva tanto povre,
que ille pensava de vender le loco a un altero.  "Quanto pro vostre loco?"
"Io va acceptar $15000" (le precio de un automobile in aquelle dies).
Assi, le fundator vadeva al banca, obteniva un presto, e comprava le loco.
Desde alora ille ha augmentate lo a devenir le plus grande venditor de
jeeps in le region, e finalmente in le Statos Unite.  Su secreto esseva que
ille dava excellente servicio, e su precio esseva semper non plus que un
parve amonta plus que le precio que ille pagava le fabrica pro le automobile.
Certemente le parve urbe de Jasper non habeva bastante personas de comprar
su jeeps e mantener su commercio.  Ille vendeva le jeeps per via del posta,
e le annuncios in periodicos.  Clientes veniva a ille de tote partes del
Statos Unite, proque su precio esseva le plus basse.  Eventualmente, quando
Chrysler comprava le American Motores que fabricava le jeep, Jasper Jeep
deveniva tanto ben un venditor de automobiles Chrysler - Dodge, Plymouth.
Illes ha un grande parco de automobiles ubi centos de automobiles a vender
es monstrate.  Vos arriva al venditores casa de commercio, e vos es directe
per un receptionista belle a cercar le parco vos mesme.  Quando vos vide un
automobile que vos vos interessa, retorna al casa central e un venditor va
discuter lo con vos, dar vos le clavos pro conducer lo in le camminos
circa le centro.  Si vos es satisfacite con illo e le precio, alora vos
retorna al officio del agente del venditor pro compler le documentos de
emption.  Il ha necun pression super vos a comprar. Il non es necesse.
Le precio es semper le melior que vos pote obtenir.  E le servicio postea
es equalmente le melior que vos va reciper a altere venditores.  A illustrar,
hodie io habeva un appunctamento a duo horas post meredie pro cambiar le
oleo, e altere lubricationes.  Io arrivava a 1:45, e mi automobile esseva
finite in su melioration a 3.00 (1500) horas.  E le precio de servicio esseva
multo rationabile.


Assi io conduce 90 km pro un cambiamento del oleo e un lubrication.

Specialmente si illo es un belle die como hodie!

Stan Mulaik