>Multe gratias pro tu interessantissime novas re le football
>brasilian actual, ma io es semper convincite que il es un cosa
>meraviliose vider le "cariocas" jocar!
De facto nostre grande problema es succeder a trainar le equipa national
satisfactorimente. Mais le talentos functiona multo ben in le campionatos
interne. :^)
Como diceva un jornalista italian : " - Le bridge es un joco, le basket-ball
un sport, le football es un philosophia del vita! - ".
Insolitemente le equipa national italian va qualificar bastante facile in su
gruppo de qualification del Cuppa del mundo in Japon e Corea, forsan proque
in su
gruppo il ha equipas non multo valide: Romania, Lituania, Georgia, Hungaria
e assi il suffice solmente un victoria per vader in Japon in 2002!
Nos attende naturalmente le equipa de Brasil, qual campionato del mundo
es si il non haberea le "cariocas"!
Le "azzurri" pare jocar un football multo rapide e technicamente perfecte in
iste ultime partitas, sed con Argentina illos ha subite un defaite pro 2-0,
monstrante alicun limites re su qualitate de alicun jocatores.
Dolentemente le ultime Cuppa de Europa perdite contra Francia al ultime
action del partita 2-1 pro morte subite, ha exhaurite multe sperantias in un
probabile o possibile successo in Japon e Corea!
Hodie in Europa le equipas le plus forte son Francia: campion del mundo e de
Europa, Espania (su equipas va dominar le ultime Cuppas del Campiones),
Portugal; illo ha monstrate un optime joco super toto gratias al
super-campion Figo in le Cuppa de Europa, eliminate in semi-final solmente
per Francia! Le football iberic e lusitan pare retornate al splendor del
annos '50s e '60s. Germania transi un mal periodo de resultatos, sed il es
melio
non contar super iste momentanee defaite, le "panzer" ha semper monstrate su
fortia, quando il necessitava! E pois Angleterra ha habite semper resultatos
contrastante; e nos non va oblidar Hollanda!
Le football italian hodie transi un insolite periodo de chaos, de scandalos
de doping, de assumption de drogas, de partitas alterate per accordos
extra-sportive a causa de sponsiones irregular.
Le violentia in le stadios e foras illos ha remarcabilemente accrescite a
causa del fanaticos sportive multo aggressive e violente. Iste hordas de
barbaros destrue cata objecto qui illos trova in lor strata verso le stadio
e intra le stadio!
Le stadio hodie
non es le placia a vader con le infantes o le familia pro fruer un die de
sport e de amusamento!
Le grande e ric equipas como Juventus, Inter, Milan, Roma, Lazio ha major
possibilitates a emer le plus forte jocatores e in iste maniera le discurso
re le vincitor del campionato es semper claudite in ille equipas.
Hodie mi Juventus, (ya!, in mi pectore batte un corde blanc-nigre a bandas
vertical, naturalmente!) nunc jam ha fallite ancora un vice le conquesta del
campionato; le Roma va securmente ganiar in le proxime septimans su tertie
insenia tricolor del historia a mitter in su jachetta rubie!
Classification division A (prime positiones)
1. Roma 67 punctos
2. Lazio 62
3. Juventus 61
4. Parma 50
5. Milan 47
6. Inter 44
Juventusmente Vostre.
Luca Ghitti
Via Rivadossa, 9/a
25042 Borno (BS)
Italia
[log in to unmask]
|
