Thomas,
  Io a vices consulta INTERLNG pro vider activitate in la, mais
sovente io vide necuno.  Alora il veni un intelligente juvene homine
(parlante relativemente a me, 80) qui vole discuter questiones
linguistic.  Io stimula le conversation e discussion.  Ubi es tu?
Si tu non te interessa in nostre discussiones, aquello es tu
opinion personal, mais tu es alquanto egocentric si tu expecta
que tu opinion debe prevaler super nos, sin tu participation aqui.

  E io es interessate in iste idea que nos debe usar interlingua
e non discuter su methodologia. Que face tu con interlingua pro
usar lo? Proque nos non vide multo de tu contributiones aqui?

Io ha scribite un libro de 395 paginas (includente le tabula de
contentos) super interlingua.  Multe de illo, includente integre
capitulos es IN interlingua.  Io ha traducite in illo le Pestilentia de
Boccacio (in le Decamerone) del italiano original--que monstra un uso
de interlingua.
Io ha exemplos de interlingua usate in varie situationes de vita--
le museo, le schola, le bureau, le casa, al restaurante, nutrimento, al medico,
automobiles, quando on ha consumite tote le gasolina, mantenimento
mechanic del automobile, medicos e clinicas, le anatomia human,
maladias e conditiones.

Io ha duo glossarios de 3248 parolas: interlingua-anglese; anglese-
interlingua, basate super usar le lista de frequentias de parolas
in varie linguas per Helen Eaton (de IALA).

Io ha un discussion del methodologia de interlingua pro facer lo
plus disponibile a usatores de interlingua, con plus exemplos de su
uso.  Io non crede que uso de iste methodologia es a fin.

Comprar le  libro e apprender plus super le vocabulario international
e su uso:

Mulaik, Stanley. (2015). Interlingua grammar and method for the use of
the international vocabulary as an international auxiliary language
and to increase your word power. 2nd Edition.
Imprimite e vendite per Create Space.  Amazon.com e altere
venditores de libros.


Que face tu in usar interlingua?

Stan Mulaik



----- Original Message -----
> Le 14 novembre 2015, Thomas Alexander scribeva:
>
> > Stan ha scribite:
> >> Kjell, tu ha usate iste argumento multe vices antea,
> > Il me pare que vos ambes ha habite del toto de iste conversation
> > multe vices antea. Io a pene crede que illo es ancora interesante
> > pro vos.

Thomas, io ha respondite a Kjell pro monstrar alteros le perspectivas
nostre.  Le audientia es nove.


> > Un del rationes pro le qual io non sovente usa
> > Interlingua es que io non pote tolerar iste discutiones
> > interminable super "le parola ver" in Interlingua. On vole usar un
> > lingua sin deber demandar "eque io usa le parola de Stan o le
> > parola de Cleij.
> > Amicalmente,Thomas
>
> Car Thomas Alexander,
>
> A mi aviso, il ha solmente un persona, qui evoca isto altercationes.
> Ille non es disposite a admitter, que le mundo (e realitate) move se.
> Ille essaya esser situate contra le mundo actual.
>
> --
> Paul Bartlett

Io vide signos que interlingua es alquanto moribunde.  Le activitate a
INTERLNG es quasi nihil.  Le gerentes de UMI mori e io non vide multe
uso de illo de un generation juvene. Aquello es le realitate io vide.
Necuno in Europa face effortios con le Union Europee pro introducer lo
in le scholas, per scriber libros academic pro inseniar lo. E le uso de
telephonos/computatores mobile e manual con le traduction automatizate
face le uso de linguas auxiliar minus necessari.

Amicalmente,
Stan

Post Scriptum:  Como es le tempore in tu region?  Ha tu plus diluvios?
Glacie? Pluvia?


--
Pro leger le archivos e pro modificar o cancellar le subscription:
http://listserv.icors.org/archives/interlng.html