Car Julio, Amicas e Amicos,

il es un belle gratification leger illo que scribe Julio re interlingua, re
su uso in comparation al uso del lingua anglese e del proprie lingua
national, re su idea de un un romance de "scientia-fiction". Io ha trovate
le analyse per Julio e su propositos un facto multo practic e realistic.
Io vide Julio intente a scriber su romance.
Forsan ille volera haber un verification pro le texto interlingua.
Io es in attesa que inter nos nascera un pusille gruppo de interlinguistas
"autores in interlingua", personas qui habera le necessitate de un
verification reciproc e constante re le uso del interlingua.
Io crede que isto contribuera al futuro de interlingua.
Nos ha necessitate de iste gruppo.
Illo debe esser un gruppo inter personas professional.

Mario

----- Original Message -----
From: Jonathan Julius Dobkin <[log in to unmask]>
To: <[log in to unmask]>
Sent: Thursday, August 31, 2000 8:13 PM
Subject: Re: Un Lingua Europee


> Chris:
>
> 1)Nonobstante mi grande amor pro mi car lingua native,
> anglese, io non pensa que interlingua debe esser usate
> pro le communicationes inter personas qui ha differente
> linguas de matre "al latere de anglese," ma "in loco de
> illo." Es multo importante que il habera un lingua que
> non es le lingua native de personas particular. Il ha
> varie rationes perque io pensa isto: pro preservar le
> anglese pur e non degrader lo; pro non dar a alcunos un
> avantage super alteres in le communicationes international
> perque le lingua usate es lor idioma native; perque un
> lingua artificial como interlingua es multo plus facile
> (mesmo pro personas qui non parla linguas descendite de
> latin) quam anglese o altere linguas natural; pro combatir
> le probabilitate que (como le linguistas dice occurrera),
> in le 20me seculo, al minus 50% e forsan 90% del 5,000
> linguas usate hodie morrira, etc.
>
> 2) Si, non esser enoiose in nostre "propaganda" es multo
> importante. Ante duo dies io habeva un idea: io vole scriber
> un romance de "scientia-fiction" que contara un historia del
> futur proxime (in le anno 2030 o 2040, forsan) quando le mundo
> usa interlingua inter parlantes del varie linguas de matre.
> Le romance sera scripte in anglese, e le parte le plus grande
> del conversationes sera in anglese, ma interlingua sera usate
> alsi in le dialogo, in contextos ubi le significantia del
> parolas sera obvie, o sera explicate. Forsan nos pote crear
> un nove categoria de fiction, "fiction de interlingua," in
> nostre linguas de matre, ma con uso de interlingua, que pote
> crear un interesso in interlingua in personas qui, sin isto,
> non sera receptive.
>
> -Julio
>
> Chris ha scripte:
> >Es sovente difficile arguer pro interlingua in foros public, proque le
> homine ordinari ha normalmente un massa de preconceptiones quanto al
> character e possibilitates de un lingua auxiliar, tales que non applica al
> realitate de interlingua. Dispeller istos sin ennoiar le auditorio con
> explicationes involute es ja un defaite. Nonobstante il vale le pena
tentar
>
> facer isto, e a vices on attinge resultatos vermente satisfactive.
> Io prefere tener me a argumentos satis modeste, ma concrete e realista.
> como, pro exemplo, le uso possibile de IA como propedeutico, o pro
> communicationes con romanicos. Le idea que illo va displaciar anglese in
> rolos importante tende incontra scepticismo. Le idea de un lingua de niche
> al latere de anglese (e non in loco de illo) al altere latere trova a
vices
>
> plus de acceptantia. (Naturalmente, si interlingua trovava tal usos
practic
>
> a un scala significante, on poterea visar objectivos plus ambitiose.)