Car ascoltatores de Radio Interlingua, car lectores del lista INTERLNG!

In le previe duo emissiones vos poteva ja ascoltar un femina, Barbara Rubinstein, qui parla interlingua. Ora vos pote cognoscer un altere femina, parlante iste belle lingua, tamben de un interview, que io faceva in 2009 (duo milles novem), al 18ve (dece-octave) conferentia international de interlingua in Kirchheim-Bolanden, Germania. Illa se appella Christina Breinstrup, le marita de Thomas Breinstrup (secretario del Union Danese pro Interlingua e redactor del magazin “Panorama in Interlingua”). Christina es un exemplo a lo, que on pote apprender un lingua in un assatis bon nivello sin usar ulle manual, al maniera natural, como un infante apprende su lingua materne: per ascoltar e per parlar lo...

Dunque: post discargar le file de iste adresse:

http://www.interlingua.com/node/1117

post alicun minutas del musica instrumental de Csaba Kocsis vos potera audir le interview con le judice danese: Christina Breintrup super varie themas: profession, hobbies, familia, can, musica e naturalmente: interlingua... :-)

Tote le podcasts de Radio Interlingua pote esser consultate a:

http://www.interlingua.com/radio

Io, le redactor de Radio Interlingua vos desira un bon passatempore anque con iste podcast!

Péter Kovács


--
Pro leger le archivos e pro modificar o cancellar le subscription:
http://listserv.icors.org/archives/interlng.html