Como sempre, io solmente lege le messages troppo tarde - vos es si
active!

Le experientias in Canada de Christopher Burd es, io pensa,
universal. Le jornales essaya coperir toto, lo que significa que le
articulos e litteras es sempre de minus in minus longe. Nostre
"tactica" in Danmark es inviar brevissime litteras al redaction (al
maximo 250 parolas circa). Isto non permitte grande explicationes, ma
on pote totevia developpar un bon stilo in 250 parolas. Le grande
avantage es que isto functiona: brevissime litteras ha melior chances
de esser publicate - e assi non abbreviate.

Un regula basic jornalistic (io es jornalista de profession) es
sempre scriber le conclusion in le prime phrase. Isto anque assecura
que illo non es redigite via. Un normal articulo jornalistic debe
esser construite assi que on in principio pote abbreviar lo ab su fin
paragrapho post paragrapho, si il non ha spatio pro tote le articulo.
Isto es bon a memorar anque quando on scribe litteras al jornales.

Continuemente, on debe facer se clar que non omne litteras es
publicate. Forsan nos succede facer publicar 4-5 in cata 10 litteras
que nos invia. Ma nos continua mantener le optimismo ... e isto
functiona.

Dunque, surride e labora - anque in Canada. Nos amara audir super le
progressos...

Optime salutes
Thomas Breinstrup

----------------------------------------------
Thomas Breinstrup
journalist/jornalista
Berlingske Tidende
Pilestreede 34
DK-1147 Kcbenhavn K
DANMARK
Tel. (+45) 33 75 28 07
Fax  (+45) 33 75 20 20
-----------------------------------------------