Horacio Martinez escreveu:

> Car amicos:                Io esse nove in le lista, e io cognosceva
> Interlingua ad duo menses retro. Io volerea que vos adjutar me a aprender a
> utilisar el pronomine il. Como esse le uso correcte in le phrases? Io habe
> como lingua materne le espaniol, per favor adjutar me con
> exemplos.                Vostre nove camerada.

Salutes, vicino Horacio! :-)

Le pronomine "il" es usate pro constructiones "impersonal"... quando tu vole
usar un verbo que non require un subjecto, un persona:

    "llove", "nieva(?)", "hace frío", "hay brujas"...

Qui pluve? Qui niva? Qui face frigido? Qui ha magas? Necuno. Iste verbos es
usate sin subjecto. Ma Interlingua exige un subjecto, assi le pronomine "il" es
usate:

    "il pluve", "il niva", "il face frigido", "il ha magas"...

Le "il " tamben es usate in phrases composite con cambio de position:

    "Es bueno <que estés aquí>."

Hic, le sub-phrase "que estés aquí" es le subjecto de "...es bueno". Ma il ha un
cambio de position, perque le normal esserea dicer "X es bueno", ma nos dice "es
bueno X".

    "<Que tu es hic> es bon."
    "Bon es <que tu es hic>."
    "Es bon <que tu es hic>."

In iste ultime caso, le verbo "es" initial *pare* non haber subjecto, e tende a
ganiar un "il" pro plenar le vacuo psychologic. Assi, tamben es correcte dicer:

    "IL es bon <que tu es hic>."

Io spera haber succedite a clarificar iste puncto.

Benvenite a INTERLNG!
Amicalmente,
--
   ENSJO : EMERSON JOSÉ SILVEIRA DA COSTA
Homepage : http://www.nautilus.com.br/~ensjo/
 UIN ICQ : 713833

INTERLINGUA - lingua auxiliar international
    Info : http://www.interlingua.com/europa/queesinterlingua.html
  Brasil : http://www.nautilus.com.br/~ensjo/ubi/