Ensjo scribeva:
> Infortunatemente le technicas antispam a vices elimina messages valide. Io
> suppone que isto es le explication que io non ha recipite tu message.
Io non inviava le messages via e-posta, ma via le interface a:
http://www.interlingua.com/contactanos.htm
Un tal interface non ha besonio de technicas antispam, nonne?
Le altere message, que io non obteneva respondite, esseva sur rss. Io
demandava si il es possibile de installar rss al sito de UMI. Io ha
faceva un scripto de computator que transforma le pagina initial del
sito de UMI in rss, ma isto non es optime. Le melior serea si un tal
facilitate es integrate in le sito mesme, e disponibile al sito mesme.
Mi exemplos,
rss 'feed': http://www.let.rug.nl/~kleiweg/ia.rss
imagine: http://www.let.rug.nl/~kleiweg/tmp/ia.gif
Per rss, on pote tirar plure visitatores al sito, specialmente
si il haberea plure informationes actual, per exemplo novas
general de lingua, traducite in interlingua. Simile de OnzeTaal,
con plure novas in Nederlandese cata die:
http://www.onzetaal.nl/
Il ha un altere cosa que io ponderava. Interlingua poterea esser plus
visibile in rete. Un lista de discussiones como interlng non es multo
visibile pro personas qui non son membros. Si nos vole discuter in
interlingua, proque non in un medio plus conspicue? Io pensa de un cosa
similar de Language Log:
http://itre.cis.upenn.edu/~myl/languagelog/
Isto es un 'blog' (jornal in rete) de un gruppo de personas qui
scribe super lingua. Iste blog non es isolate, proque il ha
plure blogs de altere personages qui scribe de lingua, e illes
responde le un a le altere. Il emerge un discussion distribuite
super le rete, non limitate a un sito specific. E rss es un
instrumento multo importante pro autores de blogs pro sequer le
scripturas de altere autores.
Esque on pote facer un cosa simile pro interlingua? Un blog
collective per discuter *in* interlingua le major parte (al
minus 70% de textos), pro discuter *super* lingua generalmente,
e interlingua specificamente, pro propagar le uso, e discuter le
possibilitates de interlingua. Obviemente un blog con rss.
Antea, le Usenet esseva le medio de discussiones. Con le insurgito del
WWW, e le multitude de foros nove, Usenet es devenite minus importante.
Discussiones deveniva fragmentate de plus in plus, isolate. Le blog,
usante le rss, es un medio de reintegrar le discussiones, tirar lo ex
isolation, isto tempo al WWW, ma non limitate o ligate a un foro
particular.
--
Peter Kleiweg
http://www.let.rug.nl/~kleiweg/
|
