Gratias Stan!
In le prime horas de deman postmeridie, nos - io e mi sposa, le altere
homines professional de nostre studio, le altere collegas de Natalina, qui
es tote mammas con plus filios - nos partecipera al rito funebre del povre
Riccardo.
Pro un combination singular del vita, le rito sera celebrate in le parve
ecclesia e in le parve cemeterio, ubi io viveva quando io era puero, durante
le annos del secunde guerra mundial. Le annos era 1943-1945!
Io viveva in le casa parochial perque le prestre era amico de mi familia e
durante le guerra nos prefereva non passar le nocte in le citate de Treviso
a causa del frequente bombardamentos que lo martyrisava.
Io conserva vivide recordos de illo periodo e del personas e del locos,
nonobstante le annos passate.
E deman io sera illac a incontrar Natalina. Justo illac e pro iste triste
circumstantia.
Como io jam scribeva, Natalina non ha remanite sol durante iste dies, e io
crede que illa retornara presto a su occupation in le studio professional,
ubi illa gaude de multe amicitates perque illa es particularmente preponite
al reportos con le clientela.
Toto servi in iste circumstantias pro adjutar a superar le momento.

Tu scribe ancora:
>
> Io es felice de apprender que tu confronta tu nove necessitates de
> viver in un maniera directe.  Alteres pote adjutar te in apprender
> como a viver con isto. Tu ha corage!
>
> Cordialmente,
> Stan

Si. Io ha definitivemente superate un crise que ha durate plus de septe
menses. In le disgratia io ha habite le bon fortuna de haber recuperate le
normalitate. Actualmente io es un homine como io era justo septe menses
antea.
Pro le veritate, anque iste momento require un rehabilitation al
normalitate, ma isto es toto, pro mi bon fortuna.
Al initio io non habeva corage, al contrario io habeva un ben manifestare
grande pavor e, in omne caso io pensa que isto ha contribuite perque io ha
potite superar mi stato. Le pavor me ha adjutate a assumer un comportamento
de grande prudentia e complete disponibilitate al adjutas per le altere
personas.
Il se ha relevate un comportamento positive, forsan determinante pro superar
omne obstaculos.
In mi decision de contribuer ora a poner me al disposition del altere
personas - si io habera iste capacitate - io crede de poter manifestar mi
recognoscentia pro quanto le personas me ha adjutate.
Le tempore revelara si io sapera esser active in modo correcte. Il non
suffice haber le voluntate de esser active. On debe apprender le modo
correcte de esser lo. Le aspecto es subjective e multo complexe.
On pote pensar que pro me, antea iste adventura, le sol facto de entrar in
un scructura sanitari era un ver trauma. Io non habeva alcun abitudine a
isto e mi comportamento era como illo de un puero al qual non place le
odores del locos.
Ab iste initio a pervenir a esser capace de contribuer con mi adjutas
personal le passos es complexe e, totevia, io senti de haber ora iste
disponibilitate.
Un nove forma de equilibrio, si nos vole, a demonstration ulterior que
durante nostre vita nos pote esser sempre utile e ingagiate a apprender
formas plus correcte del viver.

Le vita es belle, mesmo in le momentos errate. Es nos qui es le beltate del
vita e nos ha le deber de esser positive, possibilemente sempre!

Mario