Pro alcunos hic isto pare plus un circo, un feria de vanitates, que un loco
de discussiones seriose, systematic e ordinate.
Verborrhea (multe verborrhea!), attributos pedantesc e ornamentos
pseudointellectual son jectate al aere pro le audientia spectar e appreciar
le habilitates contorsionistic de inepte creatores de ambientes agradabile
e relaxante.
Le spectaculo assi es povre - non solmente debite, multe vices, al manco de
jocos (argumentos) interessante, ma super tote a causa del incongruentia
(un certe chaos) intellectual demonstrate per alcun del vetule 'paleassos'
residente in iste grande tenta.
Quando le juvene assistentia lancea un defia al illusionistas, hic son
illes con lor baguettes magic explicante (e deconstruente) toto e
monstrante, al mesme tempore, lor credentiales de scientificitate... Como
si uno habente un maestrato (practic) de vinas sapeva, fortiatemente,
appreciar un bon vino!
Il non suffice haber titulos (in Portugal on dice que un asino cargate de
libros es un doctor); es necessari haber argumentation clar, objective, sin
constorsiones e joculeria e acceptar le verdicto del assistentia.
Alcunos vole (sempre) haber le loco de honor, le prime position sur le
podio, como se lor credentiales academic les confereva un tal merito per
derecto proprie. Ma le audientia non se lassa fraudar... Le assistentia
assisteva, durante annos, a spectaculos de iste prestigiatores e cognosce
multissime ben lor artificios pro ganiar le admiration del multitude que,
patientemente, attende le final del repetitive, infinite e enoiose scena...
A totes e a nemo,
salutationes,
cs
__
(PS - Il non me enoia discussiones super isto o super illo, ma plus tosto
le legieressa (e mesmo extemporaneitate) de alcun observationes registrate
in iste foro - ubi le majoria del subscriptores non es interessate in tales
- e de alcun analyses contorquite facite per personas que ancora transporta
con illes le frustration de non arrivar a lassar se immerger suavemente in
le fluxo harmonic del vocabulario international, in vice de complicar illo
que es simple... De hic mi congratulationes al 'nove generation' que vole
apprender iste lingua e lo domina (sub su forma scripte) de un maniera
bastante satisfactori, contrarimente al petrificate ideas del magistros qui
pensa 'ego(lingu)isticamente', incapabile de se abstraher de lor parve
mundos, i.e., de lor linguas materne).
--
_________________
www.interlingua.com
--
Pro leger le archivos e pro modificar o cancellar le subscription:
http://listserv.icors.org/archives/interlng.html
|
