Invitation a cursos in interlingua e 10-e Incontro Nordic de Interlingua in Vadstena, Svedia, le 26-30 de julio 2006
Loco: Vadstena Folkhögskola (Centro de inseniamento pro adultes)
Cursos intensive sur duo nivellos:
A. Comenciantes. Instructor: Ingvar Stenström,
B. Avantiatos. Instructor: Bengt Enqvist. Ambes es professores gymnasial de linguas.
Le cursos essera offerite mercuridi le 26 de julio a 11h usque a venerdi postmeridie le 28 de julio 2006
10-e Incontro Nordic de Interlingua comencia con cena venerdi le 28 de julio a 17h e fini con lunch dominica le 30 de julio
Pro le incontro le programma essera elaborate per Thomas Breinstrup, redactor de Panorama.
Breve discursos, discussiones de action futur, intertenimento es alcunes
del punctos del programma. Contributiones benvenite!
Le Incontro Nordic es arrangiate cata duo annos per Association Finlandese pro Interlingua,
Union Danese pro Interlingua, Union Norvegian pro Interlingua e Societate Svedese pro Interlingua.
Durante le Incontros recente participantes ha essite non solmente
nordicos, ma de facto representantes de novem nationes.
Vos, qui es membros de UMI, es cordialmente benvenite!!
Precios includente logiamento e repastos:
Curso A o B: 1120 SEK. (1 euro circa 9,40 SEK)
Incontro: 1040 SEK
Curso + Incontro: 2100 SEK. (Dunque con un reduction)
Pagabile in avantia a Mats Fredmark, tresorero del Svenska Sällskapet för Interlingua
Ab Svedia: Plusgiro de SSI: 47 41 41 - 9,
Ab le estraniero: Paga a Sv. Sällskapet för Interlingua,
IBAN SE 6995 0000 9960 2604 741419. SWIFT BIC NDEA SESS
Reserva vostre participation si tosto como possibile per inviar le scheda
de inscription sur papiro a
Karin Henja, Hamravägen 128, SE-429 44 SÄRÖ.
Le scheda es publicate in un altere message in iste foro.
Le pagamento d e b e esser in nostre conto a n t e le 25 de maio 2006. Si vos debe cancellar le moneta minus 50 SEK essera repagate.
A causa de manco de ressources personal nos non pote servir
como agentia de viages, cercar e comparar horarios etc, ma
nos dara a vos information del vias de accesso.
Vadstena es le urbe del sol sancta svedese, Birgitta, e in le
parve citate pictoresc, apud nostre centro Vadstena Folkhögskola,
vos videra le ecclesia, ubi se trova su reliquias,
le claustro del Ordine Birgittin e un grande castello medieval.
Toto es situate al litore del grande laco Vättern, proxime a Linköping
e Jönköping ubi se trova aeroportos. Nulle ferrovia regular,
ma excellente connectiones per autobuses, mesmo de longe
distantias.
Communicationes a Vadstena: www.vadstena.com/index.asp?page=10&lng=
Sancta Birgitta: birgitta.vadstena.se/
Le schola: www.vadstena.fhsk.se/
Ingvar Stenström
Vegagatan 12
SE-432 36 VARBERG
Tel. +46-(0)340.15053
E-posta: ingvar.stenstrm (at) telia.com (observa le manco de un ö) www.interlingua.com www.interlingua.nu
P.S. Ingvar Stenström non pote demandar questiones ante le 22 de januario
---
avast! Antivirus: Outbound message clean.
Virus Database (VPS): 0603-0, 2006-01-15
Tested on: 2006-01-15 11:33:29
avast! - copyright (c) 1988-2005 ALWIL Software.
http://www.avast.com
=====================================================Pro disabonar te del lista, invia un message a
[log in to unmask] con le texto:
UNSUBSCRIBE INTERLNG
o visita le sito del lista:
http://maelstrom.stjohns.edu/archives/interlng.html
=====================================================Visita le sito official del Union Mundial pro
Interlingua:
http://www.interlingua.com/
=====================================================
|
