Stanley Mulaik wrote:

>Quando le hurrican ha frappate New Orleans e Biloxi, Mississippi, e
>ha movite in le interior, illo esseva tanto grande que su nubes
>e tempestas (minus forte) ha extendite 300 milas a nos in Atlanta.
>Nos recipeva multe pluvia, e alcun del tempestas ha producite
>tornados que ha destruite plure casas.  Mais le destruction aqui
>es minimal relative al devastation de New Orleans e Biloxi.  Le
>governamento federal ha essite multo lente in responder. Il non
>esseva sin anticipation, proque il habeva plure dies ante que le
>hurrican ha attingite le costa, e nos sapeva 4 dies in avantia que
>illo esseva de categoria  V o IV (que es le plus grande). Pro
>isto le truppas debeva esser situate in le vicinitate pro mover
>in post le tempesta ha passate pro  provider adjuta e securitate.
>
Le tempesta Gudrun que batteva le silvas in Svedia sud in le hiberno
passate era un briza in comparation Catrina. E tamen il habeva enorme
problemas con le communicatin telefonic e le electricitate. In
comparation con isto il es facile comprender le enorme devastation in
Nove Orleance.

Nostre medios ha essite plen de novas del Statos Unite. On ha parlate
del critica contra le presidente e alteres dice que nostre medios es
ani-american. Le servicio de salvation (emergentia) ha inviate un
helicoptero con equipamento e functionarios al Statos Unite, ma ancora
on attende un OK. Il sembla que le acceptation o rejectation debe ir le
via burocratic via le Europee Union e le governamentos national... E al
fin on non sape si le falta de un responsa depende del governamento del
Statos Unite o del burocratos domestic, ci in Europa.

Nos ha habite un temperie agradabile con temperaturas circum le 20 grados.

Kjell R

======================================================
Pro disabonar te del lista, invia un message a
[log in to unmask] con le texto:

  UNSUBSCRIBE INTERLNG

o visita le sito del lista:

  http://maelstrom.stjohns.edu/archives/interlng.html
======================================================
Visita le sito official del Union Mundial pro
Interlingua:

  http://www.interlingua.com/
======================================================