Luca Ghitti wrote:

> (...)

> Le idea de assimilar un bestia salvage a un vetule sage es securmente un
> mytho prehistoric, como il pare demonstrar le arte rupestre de mi valle e
> usque a hodie necuno lo ha jammais vidite vagar in le silvas o ha trovate
> tracias de su existentia.
>
> Comocunque si nos ha multe phantasia nos pote creder que le Homine Selvage
> es un remote cosino del Yeti himalayan o del Sasquatch/Bigfoot american!
> Qual belle familia! :-)

Le cosa amusante es que justo hodie matino ego audiva per nostre Radio National
que on va comenciar un nove expedition de mesuras al Laco Grande. On diceva
etiam que le plus vetere reporto del Bestia del Laco Grande era de 1561 (si me
memoria me servi ben).

Un interessante cosa tu narrava del homine silvatic. Le gnomos que vive in le
montanias (in alcun linguas on ha prendite le scandinavo _troll_ pro illos, es
que illos in alcun imaginationes del populo era multo fede con grande aures, un
enorme naso e bucca. Un folklorista diceva alcun die passato que ille "gnomos",
"trolls" era multo belle e attraheva juvene viros al montanias ubi illes debeva
laborar pro manear le vaccas e capras del gnomos.

Isto es como le vetere ideas del Silvatica, un belle femina qui al dorso habeva
le aspecto de un arbore putrente! Le silvatica attraheva le viros a se e postea
illes era morte o alminus insan!

Cellus
Amator silvarum