Ove Hanebring wrote:
>
> >
> Salute Anne,
>
> Es bon vider que tu es presso nos de novo, e que tu non ha gelate a morte.
> Io videva in le jornal le imagines del chaos nivose in Quebec, e imaginava
> te in un casa frigidissime sin le electricitate. Il es sempre interessante
> leger tu explicationes docte re adverios e altere cosas.
>
> Salutationes calefacente!
>
> Ove
>
>
Gratias pro tu message, Ove,

In facto, io ha mancate de electricitate solmente un die, ma mi servitor
de e-posta es a Montreal, ubi il non habeva de electricitate durante
plure dies.

Io pertine al 50 % del population que ha habite plus de fortuna.  3
milliones de personas esseva sin electricitate, e le situation es ancora
multo difficile. Usque hodie, 15 personas ha morite a causa del
frigiditate, e centenas son in le hospitales.

Le cosa que esseva difficile pro me (e pro multe personnas) es que io
non sapeva ubi esseva alicun de mi amicos, e io non sapeva como adjutar
les. Io esseva multo inquieta, specialmente pro un de mi amica que
esseva proxime de dar nascentia a su infante. Le situation esseva critic
pro illa, io lo sapeva, ma io non poteva trovar ubi illa esseva.(nunc
toto va ben pro illa) Il ha ancora duo personas dequal nos non ha noves.
Io spera que toto va ben pro illes.

Hic in Nordamerica, le constructiones de casas son multo legier e non
ben isolate. Quando on manca de electricitate, le casas deveni
rapidemente frigide.

Quebecalmente,

Anne