>
>Car Stan,
>  Io non lassa un subjecto antes lo comprender ben.
>Ergo, per favor, explica me como intende vos le
>possibilitate, o non le possibilitate, de applicar le
>suffixo "-o" ad "participio presente" quando habe un
>uso adverbial.
>  Vos diceva antes que isto es marcate con un suffixo
>"-mente". Bon et classic. Ecce un exemplo:
>  (1) "Le puera cantante vade"
>  (2) "Le puera cantantemente vade"
>
>  An iste adjectivo "cantante" (="cantator") non es
>etiam un substantivo?
>  (3) "Le cantante vade"
>
>  Proque non es valabile le regula "-mente" = "-o"?
>  (1) "Le puera cantante vade"
>  (2) "Le puera cantan(t/d)o vade"
>
>Amicalmente,
>  Cristian

Io solmente pote sequer le regula in le grammatica de
Gode e Blair.

Es tu capace de discargar a tu computator le
grammatica de Gode e Blair a www.interlingua.com?

Le regular derivation de adverbios de adjectivos es
per uso del suffixo -mente. Post un -c final, le
vocal -a- es inserite.

Il ha certe adverbios in -o que ha correspondente adjectivos:

adj    /    adverbio
certe  :    certo
expresse :  expresso
juste    :  justo
mesme    :  mesmo
multe    :  multo
preste   :  presto
quante   :  quanto
subite   :  subito
tante    :  tanto
tote     :  toto

Tote le adjectivos in -issime pote formar adverbios in -o,
per exemplo, 'bellissime' : 'bellissimo'.

'In uso absoloute (in altere parolas, in exclamationes e similar
expressiones), adverbios in -o pote esser derivate de tote le
adjectivos que pote formar substantivos per adder -o o -a'.

'Vos crede lo?'  -- Claro!
Exacto, illo es mi opinion!

Qual adjectivos pote formar substantivos per adder -o o -a?

Isto require bon senso.

Il es plus facile a indicar qual substantivos non pote esser
formate de adjectivos per adder -o o -a:

a)  tote le adjectivos que fini in -ce e -u , p.e. rapace,
    precoce, dulce, hindu, manchu
b)  tote le adjectivos cuje thema apparente es sequite per
-e(n)se, -il(e), -ior, -nte, si o non iste terminationes es
recognoscite comos suffixos, p.e. 'futile', 'junior',
'consciente', 'clemente', francese, etc.

c) tote le adjectivos que fini in le suffixos -al, -ar, -bile
-oide, -plice, p.e. 'natural', 'linear', 'amabile', 'negroide',
'duplice', etc.

d)  certe adjectivos (un longe lista que io non va
    includer aqui)

Il es jam clar que tote le participios presente in -nte pertine
a un classe de adjectivos que non pote formar se a adverbios
per adder -o, proque illos non pote formar se como substantivos
per adder -o o -a.

Assi
   Le puera cantante vade

es acceptabile, con 'cantante' un adjectivo que modifica
'le puera'.

   Le puera vadeva cantantemente

es acceptabile.

   Cantante, le puera vadeva

es acceptabile.

   Le puera, cantante, vadeva...

es acceptabile.

   Le puera vadeva, cantante.

es acceptabile.

  Le puera vadeva cantanto

es non acceptabile.

Le participio presente es un adjectivo.
Illo modifica un substantivo e non un
verbo (mesmo quando illo pare a lo
facer, proque illo describe action del
substantivo coexistente con le action del
verbo--illo non modifica le action del
verbo).

P.e.

'Le puera, cantante, vadeva rapidemente al
testa del linea de personas.'

Si tu vole modificar le verbo "vader" per
facer "cantante" un adverbio, tu debe
usar -mente:

'Le puera vadeva rapidemente e cantantemente
al testa del linea de personas.'

Amicalmente,
Stan