Ancora un vice al amico Jerzy.

        Io crede, que doctor Mulaik me permittera de consiliar te "leger" (si, il es multo importante leger dictionarios) le meraviliose Lexico International, que (Josu Lavin me lo ha inseniate) tu pote discargar ab le sito: http://lexicointernational.wikispaces.com/ .
        Ibi tu va trovar cosas extrememente instructive, per exemplo: a prep : io es a Varsovia; io va a Budapest; io va a pede; io arrivara a quatro horas; io da le libro a mi amico; io ha nulle tempore a leger; Interlingua es facile a apprender; ille me incoragia a apprender Interlingua; vaso a flores; machina a scriber.
        abonamento sub : billet de --, tarifa de --, precio de --, -- de theatro, -- mensual, -- hebdomadari / septimanal, -- trimestral, -- tramviari, -- de traino, -- annual / annue / pro un anno, -- de essayo; prender / subscriber un -- a un jornal; renovar le --; disdicer un --.
        abonar (I) v : abonar se a un revista; abonar se a un gruppo in le Internet.
        absorber v : le plantas verde absorbe le gas carbonic del atmosphera; le spongia absorbe le aqua; esser absorbite in un subjecto; su multiple activitates le absorbe integremente; absorbite in pensatas / pensamentos; le tinta es absorbite per le papiro; absorber le attention; absorber multe tempore.
        abuso sub : -- de confidentia, -- de alcohol, -- de bibitas alcoholic, -- de poter, -- de derecto, -- de autoritate, abusos flagrante; le abuso de somniferos es periculose; signalar un --, denunciar un --, remediar a un --; iste abuso es un accusation contra le societate.
        acceder v : on accede al cocina per un corridor; acceder al poter; il es difficile de acceder al litteratura super iste subjecto; acceder al desiros / desiderios de un persona; acceder a un requesta / petition.
        accender v : -- un flammifero, -- le estufa, -- un cigarretta, -- un candela, -- le luce / lumine, -- le micca.

        Ben, isto basta, io suppone, pro monstrar le natura de illo que Josu Lavin ha accuratemente nominate un "monumento del cultura occidental". Tu (nos totes, de facto) ha multo que profitar del lectura quotidian de un tal documento.

        Cordialmente.

        Carlos Alberto Santos
        Aracaju - BRASIL

--
Archivos e disabonar: http://listserv.icors.org/archives/INTERLNG.html