Si, Kjell, le contanto require que cata casa possede un arma pro
personal protection. Io non sape como on infortiar le lege. Potesser
il esseva plus un resolution que un lege. Io non es certe. Mais le
popular idea es que isto esseva un "lege".

Isto solmente reflice le connexion historic inter americanos e fusiles.
Le secunde emendamento al Constitution del Statos Unite dice:

Amendment 2. A well regulated Militia, being necessary to the security of a
free State, the right of the people to keep and bear Arms, shall not be
infringed.

Emendamento 2. Un militia ben regulate, essente necesse al securitate de un
stato libere, le derecto del populo a retener e portar le armas, non pote
esser infringite.

Le Revolution de Independentia ha essite initiate per cititanos con lor
proprie armas--necesse pro protection contra le indigenas e animales
feroce. Cata familia possedeva un o plure fusiles.  E le militias esseva
fortias de cititanos que pote esser mobilizate e organizate pro combattar
le inimicos del pais. Assi, quando le Constitution esseva in le processo
de ratification, le cititanos del varie statos, per lor representantes,
demandava iste emendamento al Constitution, protegente lor derecto a
posseder e retener le armas.

Il non es clar a me qual fortia le phraso "Un militia ben regulate..."
ha in qualificar iste derecto.  In Switza, io opina, le cititanos anque
retene le armas a lor casas (nonne?), e mesmo in Israel. Mais io es secur que
lor possession a casa es ben regulate--on debe esser un membro del reservas
o fortias armate, qualcunque...  In certe locos le possession de pistolas es
prohibite sin permission--como in le citate de Nove York. Mais in altere
regiones del Statos Unite, il ha pauc regulationes.  In mi Stato on non
pote portar un arma concelate super su corpore sin permission del stato.
Tal permission non es difficile a obtenir, si on ha un bon archivo sin
violar le lege.  Iste regulationes ha necun effecto super le retention de
un arma, un pistola, un fusile, mesmo certe formas del mitraliatrice.

De facto, mi secunde filio, porta un 9 mm Glocke pistola, 10 bolletas, in
un bursa cinctural. Ille ha obtenite un "licentia" pro portar lo. Proque?
Qui sape. Originalmente, su rationamento esseva que a ille tempore ille
laborava pro un botheca e debeva portar le moneta al banco cata nocte
pro depositar lo. Le pistola esseva pro su protection.  Mais ora ille usa
lo pro occider serpentes periculose que ille incontra in su obra como un
paisagero. Pro reimplaciar su bursa cinctural que serviva como pistoliera,
io vadeva a un botheca de pistolas e fusiles pro caciatores, e discoperiva
un integre muro, circa 12 metros longe, con 5 rangos de pistolas, e un
altere muro de fusiles. "Qual grandor es su pistola Glocke" le proprietero
me demandava.  "Io non sape".  "Tunc es illo parve, medie o grande?"
Il es importante a cognoscer le grandor pro trovar le correcte grandor de
bursa cinctura.  Io decideva correctemente: medie.

On pote vader a iste mesme botheca pro mantener le forma in tirar le
pistola exactemente.  Iste botheca es solmente 5 minutas de mi casa.

Stan Mulaik