----- Original Message -----
From: "Harleigh Kyson Jr." <[log in to unmask]>
To: <[log in to unmask]>
Sent: Sunday, February 09, 2003 10:40 PM
Subject: Re: [INTERLNG] Le dimission de Martinet a IALA
>
> Io non comprende proque Alice Morris contractava
> Martinet. Illa jam habeva Alexander Gode, e il me
> pare que illa esseva multo naive si illa credeva que
> non emergerea differentias de philosophia inter illes,
> le quales esserea le origine de multe obstaculos in le
> disveloppamento de interlingua e in su publication
> eventual (>final). Esque il ha evidentia que ha emergite que
> explica su motivos pro contractar le?
Alice Morris habeva le melior motivos imaginabile pro
contractar Martinet. Ille esseva jam alora famose pro su
recerca in le emergente disciplina "linguistica general"
e le objectivo de IALA esseva "crear" un lingua, non solmente
codificar le vocabulario international, un carga de philologos.
('Philologo' non del toto es synonymic de 'linguistico/linguista/
experto del linguistica general'. Un philologo labora con
textos, con lo que es jam scribite, un linguistico con le
theorias del natura del lingua human.)
Le speculationes concernente le dimission de Martinet es un
occupation favorite de esperantistas e de un certe occidentalista.
De tempore a tempore illo reveni. Prof. Martinet mesme ha
date le explication in un interview con dr. Alix Potet, prof. Jan-
Pierre Elloy e Madeleine Mahé de Paris: "Io recipeva le offerta
de tres professoratos inter illos le cathedra de Daniel Jones* al
Universitate de London. Mi sposa voleva restar in le SUA,
dunque io acceptava le posto a Columbia. On debeva mangiar."
In 1955 io poneva le question "Proque dimissionava prof. Martinet
de IALA? " a mi professor de phonetica e de linguistica general,
Bertil Malmberg de Lund, Svedia, amico personal de prof. Martinet.
Su responsa: "Isto esseva toto natural. A ille esseva offerite un posto
multo plus prestigiose, un professorato a un universitate.
IALA esseva un organisation private."
E André Martinet certemente non esseva un 'occidentalista' in ulle senso
del parola. Como pote alcuno esser surprendite que duo (o tres o
dece) personas, qui explora le existente vocabulario international,
arriva al mesme resultato?! Le material es le mesme. Le con-
clusiones debe esser quasi identic. De Wahl laborava durante
decennios con su Occidental. Ille sapeva su mestiero. Occidental
esseva a su tempore un bon solution, solmente manca a illo
le firme fundamento del regulas de selection. Le causa del
fiasco de Occ. esseva le interesse de su adherentes quasi
exclusivemente focalisate sur questiones e detalios purmente
linguistic. Illes discuteva e ruminava le detalios e oblidava
"vender" le lingua al mundo. (Vide mi libretto: Occidental-Inter-
lingue. Factos e fato de un lingua international, 1997, ISBN
91-971940-2-6).
Proque specular? Es le mytho tanto valorose pro le espistas
e le occidentalistas e le omniauxilinguistas? Proque non poner
le question a su vidua, qui vive in Paris, un dama charmante,
ha un intellecto brillante, es active como contributor a
magazines linguistic e orator a congressos linguistic,
illa comprende e parla Interlingua - e illa es le nove presidente
del Union Interlinguista de Francia (section de UMI).
Qui ha un interesse seriose (e non solmente plus o minus male-
volente) pote reciper su adresse ab me, e su numero de telephono
tamben; nos nos telephona de tempore in tempore.
Illa non ha ancora posta electronic, ma apprende como
usar lo iste dies.
Amicalmente,
Ingvar
* Daniel Jones esseva le autor del "norma" del pronunciation
del anglese britannic An English Pronouncing Dictionary:
Esser eligibile como le successor de ille esseva per se un
grande honor in le mundo academic.
Ingvar Stenström
Vegagatan 12
S-432 36 VARBERG, Svedia
Tel. +46-/0/340-15053
[log in to unmask]
[log in to unmask]
[log in to unmask]
www.interlingua.com
www.interlingua.nu
>
>
> __________________________________________________
|
