Car Sigmund,
   gratias pro tu preciose documentation super le secta ufologic. Isto
es un importante material de studio que me essera utile quando alicuno
me demanda. Un problema que surge quando le pressa diffunde novas super
le sectas es que isto conduce multe personas a pensar que *qualcunque*
ingagiamento religiose es sectari. Io videva recentemente un articulo
super un jornal suisse, le qual commentava le discursos multo "normal"
de un episcopo catholic como expression de un tendentia sectari! Assi on
dice que mesmo le ecclesia catholic-roman esserea "un secta"!
Le facto que le humanistas e alteres non es de accordo con lo que iste
ecclesia dice, non lo rende necessarimente un secta!
Io vide semper plus in le pressa attaccos plus o minus subtil super
*qualcunque* religion, e le lectores tendentialmente anti- o
non-religiose "compra" facilemente iste articulos. Lo que io dice nunc
non vole justificar le aberrationes del sectas, ma on deberea usar un
poco plus de discernimento. Como definirea vos "un secta"? Qual
criterios vos usarea pro establir lo que es credentias "san" de
credentias "insan"?  Le martyres del fide e le sanctos que le ecclesias
honora, secundo le mentalitate moderne, esserea considerate "folle" o
"sectari".
 Isto es un grande problema. Io non responde nunc a iste questiones, ma
io vole solmente sublevar lo.
  Cordialmente, Paolo.

--
Paolo Castellina, v.d.m.
CH-7604 Borgonovo (Switzerland)
Tel. ++41,81,8221145
E-Mail [log in to unmask]

http://www.geocities.com/~pcastellina
http://www.ipsnet.it/netpages/room491
http://www.aspide.it/freeweb/RIFORMA
http://www.naz.com/personal/interlng