Mario Malaguti wrote:

> Forsan in le tradition europee authentic on trova in le "vetustos", como tu
> les nomina, un constante recurso al sagessa proveniente ab le experientia.
> Le patres del Europa, nos poterea nominar les.

Ego les non nominava "vetustos" ego citava le medios.

> Pro illo que concerne le charta constitutional del Union Europee un large
> parte del ideas politic europee indica le opportunitate de assignar le juste
> peso a omne presentia national in relation al numero del habitantes, al
> voluntate de contribuer economicamente e con renuncia - totevia ben valutate
> - a parte del soveranitate national, al exigentia de preservar le
> identitates national de omne sorta, como linguistic, cultural, etc. e in fin
> al exigentia de progreder anque a diverse velocitates inter illes qui es jam
> disponibile e prompte, respecto a illes qui ha lor diverse exigentias pro
> acceptar e exprimer un commun organisation europee que, intertanto, debera
> allargar se con le Paises que ha facite demanda de adhesion e vole facer se
> carga de omne consequentia.

Il es difficile pro me judicar quanto de isto es propaganda, ma le medios ci es
del opinion que Svedia, es provisor netto, lo que signfica que nos paga plus que
nos recipe e il _me_ sembla que on officialmente ha le opinion que nos recipe
multo poco in relation al investimento.

Como ego scribeva antea, le opinion public ci in Svedia es multo poco europee, e
il es como ego lo comprende, solo le elite politic e le interprenditores qui
comprende le necessitate de un plus grande mercato e que Svedia debe esser
membro de illo. In facto il es un grande falimento de
propaganda/reclama/communication/relationes public que ha create iste
infavorabile opinion in Svedia.


> Per iste strata il sera sempre plus difficile, in le practica, que un Pais
> europee qualcunque potera permitter se de restar foras del Union,
> nonobstante le currentes de opinion que in large majoritate ha excludite al
> Grande Britannia de renunciar a su gloriose vetule moneta, comocunque con
> reflexiones palese actual al maximo nivello, pro quanto regaurda le
> opportunitate de iste isolamento.
> Illes qui pensa que le federation sia un blasphemia sera le mesme qui non
> vole renunciar al avantages de pertiner al Union.

Isto es multo possibile. Como le argumentos va: "Proque lassar al politicos in
Brussela decider lo que nos pote decider ci in Svedia. On deprende de nos le
suverania!" E le "deplorabile" facto es que nos non ha habite le
suverani(t)a(te) desde 1809. Il era le grande paises in Europa que decideva
finalmente quanto de Svedia devenira le Grande Duchia Finlandia e vadeva a
Russia, e il era le Grande Poteres de Europa que decideva que le Svedeses pote
haber Norvegia (como pagamento pro bon comportamento in combatter Napoleon).
"Prende lo si vos lo pote!" diceva le Grandes....

> Il serea meraviliose le
> exemplo de un membro que lassa le Union, perque certemente illo constituerea
> un belle experientia e possibilitate de paragon pro totos.

Que es "paragon"?

Ego suppone que le publico va acceptar le euro multo plus rapido quam le
contracritores crede. Le facto vero es que le populo in general non comprende
que le Union in tote su groteschessa in multe casos protege le individuo contra
nostre local taicunos!

> Io pensa que le "vetustos" proponera a omne pais, sin distinction, de
> seliger si restar o exir. "E qui te vole?"

Ego suppone que le elite politic in nulle pais osa acceptar un tal statuto,
proque illes sape que il es impossibile. Secundo le radio Norvegia era multo
preste a ingagiar se como membro del Union Europee, e quando le _non_ veniva in
le referendum on perdeva totalmente le aere. Le elita politic e commercial
comprendeva le enorme avantages de esser membro, sed le opinion public non era
ben informate, sed le "negativos" habeva multo habile oratores.


> Io poterea invitar te a iste reflexion: non pare a te que iste situation non
> es diverse de un qualcunque altere que nos viveva e in le qual un qualcunque
> categoria de personas poneva in discussion lor proprie privilegios reguardo
> a altere privilegios nove que haberea interessate un plus large communitate
> in omne occasion de un reforma?

Le parola inter le radices del gramine es que "Le politicos vole solo gauder del
privilegios in Brussela. Le union vero paga tanto ben.

Del altere latere io audiva - per un aure - un intervista con un parlamentaria
svedese qui voleva quittar le parlamento europee, proque le labor era troppo
pesante e illa voleva reir a Svedia.

Il es necessari marcar que le membros del parlamento europee pote esser multo
ben pagate, melio quam in le parlamento svedese! Ma a causa de alcun
imaginationes egalitari on non "vole prender tote le moneta." Si le
parlamentaria era correctemente pagate illa certo haberea restite. "Toto ha su
precio" como alcun del rolos sole dicer in films american...


> Nos ha exemplos europee del grande revolutiones e instaurationes del diverse
> dictaturas e nos ha le exemplo del prime sex Pais del Europa post bellic que
> se poneva infatigabilemente a resolver insimul commun exigentias. Nos debe
> continuar in istre strata, nonne?

Quanto a me, si! Ma le problema es que Svedia, pro exemplo, es tanto influate
del Anglaterra e viste que le laboratores del medios solo sape le anglese, salvo
svedese, illes ascolta solo le voces del politicos anglese e per consequente
solo le opiniones de Grande Britannia permea in le profundos del population.

Esque alcuno diceva qualcosa? Ego non ben audiva!

Justo, interlingua. Hmmm si. Il es necesse.

> Il non existe le regula per aver successo, totevia un securitate pro non
> haber lo es illo de voler contentar totos.

Hmm. Mi pensatas va a tu compatriota, Giulielmo (ortl) Pareto, qui diceva que un
reforma politic debe esser tal que omnes recipe un melioramento. Un multo sage
persona ille senior.

Cellus