On 2/4/07, Alberto Mardegan <[log in to unmask]> wrote:
> io ha demandate le creation de un gruppo pro
> interlingua, ma io crede que illo essera refusate perque evidentemente
> in le team que coordina Hospitality Club il ha alicun esperantista.
>
> Vamos sperar, ma io non es optimista!
>

Salute, Alberto!

Io volerea questionar super un dubita que surgeva quando io legeva tu
mensage. Proque tu crede que le esperantista travaliarea pro refusar
tu demanda? Tu crede que le esperantistas es inimicos del comunitate
de Interlingua? E le reciproc, tu crede que le interlinguanos es
inimicos del comunitate de Esperanto? Io le face iste questiones
proque io sape de alicun personas que parla ambes Esperanto e
Interlingua. Il non esserea possibile le amicitate inter ambe
comunitates, si nos considera que un de lor objectivos principal es
crear nove amicitates trans le mundo?

Un inimicitate esserea pro me le mesme que un persona que parla
anglese esser inimico de altere individuo solmente proque le secundo
parla francese. Io vide iste atitude como alque multo fole, como tote
le formas de fanaticismo. Io, pro exemplo, non es inimico de ule
esperantista. Ilos es tanto human como nos, tunc tote nos comparti le
plus importante identitate comun, le identitate human. Io esserea
multo felice si lacios de amicitate esseva create trans personas de
comunitates de linguas diferentes.

Con le plus grande desiros de major lacios de amicitate trans le
mundo, io vos saluta.

Antonielly Garcia Rodrigues

--
Archivos e disabonar: http://listserv.icors.org/archives/INTERLNG.html