"Alyssa St. James" wrote:

> Io etiam esseva del opinion que iste practica del pena de morete esseva
> barbaric e inutile. Mais post vider le historia de Polly Klass (sp?) qui
> esseva raptate e mutilate per un homine grotesco io sentiva un odio multe
> grande per criminales que abusa de su victimas. Personas que es tanto cruel
> e malevolente no ha mi pardono. Illos debe esser castrate con un implemento
> ferruginose.

Quando nos reguarda le victimas de multo cruel crimines nos vole vindicar nos
del personas qui los ha committite. Le altere latere es le personas qui per
error ha essite condemnate a pena de morte proque su advocatos non ha facite
lor labor. Il pote esser casos ubi omnes es totalmente certe que le accusato es
culpabile. Post multe annos, quando le pena de morte jam ha essite executate le
publico comprende que le punito in facto era innocente!

Si on non habeva sententiate le persona a pena de morte on poterea liberar le
allegatemente culpabile e indemnisar le. Si on ha sententiate le persona a
morte on non plus ha iste possibilitate.

Personalmente ego es del opinion que le stato debe proteger le publico contra
omne sorta de criminales. Si le stato non pote o non vole assumer iste
responsabilitate on habera - si on lo vole o non - un justitia al stilo de
Lynch, e isto pone in periculo le securitate de justitia del cives individual.

Ego comprende que un stato in le qual on occide criminales face isto pro
demonstrar activitate. Forsan pro causas economic. On pote ben imaginar un
evolution in le qual un stato occide cata criminal, non importa con ration o
non. Al minus on economisarea un massa de moneta, sed on haberea regredite al
medievo.

Pro me personalmente un stato que occide criminales es barbaric. Illo se bassa
al nivello del criminales que illo vole condemnar.

Per consequente ego es contra le pena de morte.

Amicalmente