Jay Bowks wrote:
>
> Io alsi es del opinion que in iste lista
> si on usa un lingua derivate de Interlingua
> e pote esser comprendite ille debe esser
> supportabile per le altere membros del
> lista. Si Hugh Blair usava le Interlingua
> Collateral, o mesmo si Sr. Bakonyi usava
> su Interlingua que Dr. Gode affirmava esser
> multo "Catalanoide" pro su gusto, nos debe
> considerar que illes solmente experimenta
> con le formas jam internationalmente
> recognoscite per le IED.

Recommendante le lista interlng a novicios il es preferibile si on pote facer
isto in un forma quanto possibile unificate. Isto facilita lor apprension de
interlingua. Tanto plus il ha le lista bablo pro illes qui vole usar altere
typos de operar le vocabulario international. In bablo on pote poner
desinentias al verbos, si on pensa isto esser amusante, o on pote in plus usar
un plus latinic o romanic o occidentalic touche a su lingua international. In
bablo on pote etiam scriber in altere linguas artificial auxiliar, ma non in
le linguas national. Assi le lista bablo deberea esser lo que auxlang non pote
devenir, viste que le quota de ignorantes es troppo alte ibi.

Tanto que, si on vole experimentar, le foro es _bablo_. Si on vole practicar
interlingua (intra le confinios del IED ma con un grande area de
manovramento), alora le interlng es le lista.

Pro un persona qui desde le strata apprende interlingua il pote esser
difficile absorber le subtilitates de interlingua, e il pote esser un avantage
si on supporta le processo apprender pro le ver novicios de interlingua. Ego
recommenda que nos proba scriber un si clar lingua que possibile.

Optimisticamente