Stanley Mulaik wrote:

>>(...)
>>Lo que io non comprende in le conto que tu ha relate es como
>>un serpente poterea ascender e suspender se proxime al e sub
>>le foramine in le banco.  Ha il viperas toxic in Norvegia?
>>
Io suppone que le situation in Norvegia es identic a illo in Svedia. E
in iste caso nos ha solo un serpente de veneno, a saper le Vipera berus.
Le altere serpentes in Svedia non es venenose.

Secudno le informationes que io ha obtenite il sembla que le Nigre
Vidua, Latrodectus mactans existe in Europa sud ma non in nostre latitudes.

On scribe que illo sovente existeva in fecatorios* e que le morsura de
illos non es letal pro san, adulte personas ma pote esser peligrose pro
infantes o vetere personas.

Il sembla que nos non ha multo venenose araneas in Svedia.

* Quanto al "fecatorio" io sembla que le parola es satis adequate. Illo
describe un casa que se usa in le campania. Ollo ha un banco con un
foramine sufficente grande pro le nates. Il ha un porta con un simple
systema pro clauder le porta e assecurar integritate. Le parola in
svedese es "dass" que es un presto del germano "das Haus", on lo anque
appellava "le casa secrete" (un poco jocose). Naturalmente on non ha le
construction de un water closet, ma generalmente on ha un barilla in le
qual le fecalia se collige e on debe evacuar isto e foder lo in un fossa
de latrina.

Como poteva le vipera morder le viro in le parte final?

Mi teoria es que il non habeva un barilla, ma que le fecalia se
ammassava a un cumulo de stercore, que debe esser ideal pro un vipera
(calide e agradabile). Io ha audite que nostre vipera non ascende
arbores e tal cosas e que illo in principio time le altitude.

Zoologicamente

Kjell R