Cattos es parte del familia.  Pro io e mi sposa, nostre Zack e Bentley es como
parve filios.  Illes es multo amusante.  Zack es le plus affectionate catto que
io jam habeva.  Ille ama a seder se super tu pectore e "purrar".  Ille es
basicamente blanc con pecias de brun e nigre.  Su oculos blau suggere que ille
ha in ille alcun genos de un catto siamese.  Ille es multo intelligente e
extravertite. Ille ama gentes. Bentley es jalne como un tigre. Su temperamento
es non extravertite.  Ille time extraneeros.  Mais ille ha un genere de
jelosia o, plus, un necessitate de reciper affection e attention quando
Zack lo recipe.  Si Zack se sede super mi pecto, Bentley va vader lentemente
e con caution a inserer se super mi pecto tamben, ponente Zack via.  Quando
Bentley ha imponite se completemente, Zack va partir.  Mais le duo es
multo affectionate con le un le altere.  Illes dormi insimul durante le die
super nostre lecto o le sofa in le camera familial.  Illes comencia lor
parve somnos per leccar e curar le un le altere, alora illes conbuclar se
insimul in un complete balla de pelle relaxate e contente.

Nos obteniva nostre Zack e Bentley de un veterinario pro qui mi filia affin
habeva laborate.  Iste duo cattos un die appareva in un cassa al entrata del
bureau del veterinario.  Ille les poneva in un cavia.  Illes habeva essite al
bureau del veterinario durante duo menses quando mi filia affin e mi filio
discoperiva les.  Illes cognosceva que nostre Patches habeva morite.  Illes
recommendava que io e mi sposa les prende pro que illes esseva tanto
affectionate.  Isto nos faceva.  Nos mantene iste cattos in le casa.
Nos es multo felice con nostre felines.

Stan