d[040219] x[Kiviaho Allan] z[KivA-42Ing]
s[Cruciada de interlingua. Strategia]

[log in to unmask]

Como objectos pro divulgation de interlingua veni
primarimente in question:

1. Union Europee (illos 25)

2. Altere paises europee (Turchia, Norvegia, Suissa,
   Romania, Bulgaria, Bosnia-Hercegovina, Macedonia,
   Albania, Russia, Belarus, Ukraina, Moldova, Georgia,
   Azerbaidzhan)

3. Periferia de Europa (Marocco, Algeria, Tunisia,
   Libya). Como in le era del Imperio Roman, le
   Mar Mediterranee va del novo devenir a "Mare
   Nostrum", plus o minus.

4. America Romanic
   = America Latin, Quebec e parve paises/insulas
   francophone.
   Io crede que le franceses american non conta se
   como americanos latin.
   Que esserea le nomine del America Romanic?
   - Romanica (ROMAN amerICA)
   - Romerica (ROMan amERICA)

5. Previe colonias/dominios de Francia e Portugal in
   Africa.

6. Previe colonias/dominios de Francia e Portugal in
   Asia e le Pacifico (Le Philippinas son hodie
   "dehispanisate"/americanisate, nonne?)

---------------------------------------------------
Le mundo anglophone - nulle chance pro interlingua?
---------------------------------------------------

Tote le mundo anglophone, e.g. Britannia, le Statos
Unite, Canada (salvo Quebec), paises anglophone in
Africa e Asia, e, naturalmente, Australia, Nove
Zelanda e Oceania lucta pro total hegemonia mundial
del anglese.

E.g. in Europa Britannia es le pais ubi le plus parve
percentage del population studia linguas estranier. Le
motivo: "Tote le mundo comprende anglese ...".

Etiam in le Statos Unite le interesse a linguas
estranier es multo basse.

------------------------------------------
Qual animal es un interlinguista american?
------------------------------------------

Interlingua pote esser pro un ver americano solmente
un hobby. Un americano qui agerea pro interlingua como
lingua franca in le mundo esserea plus o minus un
traitor del patria.

Totevia, interlingua era initiate (Alicia V. Morris) e
finite (Alexander Gode & Co.) in le Statos Unite.

Mesmo hodie alicunos del plus eminente interlinguistas
son americanos, como Leland B. Yeager, Stanley Mulaik,
Jay Bowks, Chris Burd (canadiano?) e alteres.

Le lucta pro interlingua es etiam un defensa contra le
hegemonia absolute del Statos Unite. Specialmente hodie
quando il ha in le Statos Unite un regime extrememente
aggressive e arrogante. Si John F. Kerry (JFK II) va
emerger como victor in le veniente electiones
presidential, le tension transatlantic va
probabilemente alleviar considerabilemente. Ille es ja
un persona educate e multo europee qui i.a. parla
fluentemente francese.

Mesmo Europa lucta pro su soveranitate. Un Europa ubi
omnes parla anglese non es soveran. Le Union Europee
va haber post le sequente expansion 450 million
habitantes, e post que Romania, Bulgaria e Turchia
(le chances de Turchia de devenir un membro del Union
Europee appare de novo melior) ha juncte se, le numero
de habitantes del UE va attinger quasi 550 milliones.

Nos lucta contra le diluvio de peliculas e videos de
TV del III classe american e contra le junk
food - MacDonalds ha causate in Finlandia quasi un
stato de emergentia al officiales medical, le
hamburgers e Coca Cola va conducer multe infantes a
diabetes-II.
He-he, como bolchevismo era le plus destructive in
Russia ipse, macdonaldismo es le plus disastrose in le
Statos Unite ipse.

Que pensa le americanos romanic qui ha castiliano o
portugese lor lingua materne de un America del sud, ubi
omnes parla solmente anglese?

- - -

Como arrangiar le relationes inter le interlinguistas
europee e american?

An nos deberea fundar un association europee pro
interlingua, e.g. UEI o forsan UEia (Union Europee pro
Interlingua, pronunciate como ueia o ueya) o EILA
(Europa-InterLinguA) e le UMI remanerea como
organisation umbrella pro tote le mundo?

Nos deberea naturalmente tener bon relationes inter le
interlinguistas europee e american e evitar conflictos.

- - -

Salutante

Allan Kiviaho

=============================================
Kiviaho Allan
SILY - Suomen Interlinguayhdistys ry.
FILF - Föreningen för Interlingua i Finland
AFIL - Association Finlandese pro Interlingua
Kivimäentie 16 E. FIN-01620 VANTAA. Finlandia
http://www.interlingua.fi
http://www.interlingua.dk/historia
http://www.interlingua.com
Tel. + 358 - (0)9 - 898 720
GSM  + 358 - 050 - 3433 338 (Allan Kiviaho)
GSM  + 358 - 050 - 3616 759 (Brita-Lisa K.)
- - - - - - - - - - - - - - - - - - - - - - -
ePosta - Sähköposti - eMail, clicca:
http://www.interlingua.fi/kiva.htm
=============================================

Si nos vole que le Union Europee es un democratic
association de nationes soveran e equal nos besonia e
merita un lingua neutral pro uso in cosas practic.

Tal lingua existe: INTERLINGUA!

Granfraternal linguas hegemonistic como le anglese,
germano e francese son un grave menacia a culturas e
linguas de parve nationes europee.

"Unite in le diversitate!" es le slogan del Union
Europee.

Vamos usar interlingua in communication in cosas
practic!

Vamos usar nostre linguas national in altere cosas e
relegar le linguas granfraternal a lor position
proprie:
equal inter equales, non plus, non minus!