Salute e bon continuation del nove anno
Hej och God Fortsättning
Terve ja Hyvää Uuden Vuoden Jatkoa!
Happy New Year!
Frohes Neujahr!
Sia le salutationes in le linguas sub le finnese un attesto de mi bon
intentiones a justitia e equalitate, viste que on - a mi aviso solo pote
Le salutation in supra in interlingua illustra nostre costume de desirar un
bon continuation del Festas Natal e Neoannual (Neochronic?!) :-)
Nos divide iste costumine pictoresc con nostre vicinos in Finlandia.
Ci in Uppsala il ha essite un enorme cannonada pyrotechnic. Bombas,
petardos, rocchettas e que sape io ha illuminate le celo. Io era invitate a
mi vetere vicinos pro salutar le nove anno. Le celo ab lor appartamento era
quasi diurne pro omne le pyrotechnica.
In Svedia on ha plangite se del multitude de rocchettas, proque isto es
multo nocente si on ha canes. On contacta veterinarios pro haber
prescriptiones de tranquilisatores. Isto non pote esser facile....
Interessante esque il ha methodos pro accostumar un can a tiros e tal
cosas? Esque alcun de vos ha audite alque?
Lo sol per le qual io pote assister in le discussion es le observation que
un can lege le homine multo exactemente. Si le homine ha timor o es
inquiete etiam le can lo es. Certo isto pote esser differente in varie
canes. Illos es individuales. Si tu debe exir con le can in le nocte e tu
dice pro exemplo: Vamos ir foras! Si, si, vamos ir..." Tunc le can pote
comenciar a latrar hystericamente, sed si on solo dice _Vamos!_ e nihil
plus, le can sape que il es a ir extra le casa e il ha nulle cosa con isto.
Attention: Isto es pensatas de un amator dilletante in canes. Io possede
nulle can, e io non ha le intention de posseder uno, proque io non ha le
patientia necesse e non es interessate, sed a vices io me occupa del can de
mi soror. Iste can es un Riesenschnauzer, un vetere dama qui probabilemente
e vide e audi un poco sub le standard. E le question es si illa non suffre
de un poco de dementia senil. On ha le impression que iste can subito
recorda le juventute o un certe situation e CURRE e dispare. Viste que io
non es su domino principal io non ossa promenar la sin un accopulamento (io
es troppo pigre pro sercar in le dictionario :-(
Sed con un eleganto manobra per le mano io cambia iste inadvertentia a mi
avantage :-) Il es frequentemente dicite del campo del adherentes de un
altere ben cognoscite lingua auxiliar que on solo in ille lingua pote crear
le nove parolas que on necessita. Isto non es le veritate. Si io ha besonio
de un parola, io lo crea, con o sin dictionario, precisemente como in OMNE
linguas, mesmo anglese. Le besonio es le matre de inventiones, como ben
cognoscite.
Il me sembla que omnes ha jectate cultellos con le personas in le auxlang.
Mi cassa postal ha essite inundate per pensamentos desideriose al senso que
interlingua va perder, EXIT INTERLINGUA? (SI con un signo de interrogation
sed tamen, on vide le desiros florescente). Sed le dinosauro non es morte,
il non es tempore scriber le obituario! Le sauro se move!
Lassa me incuadrar iste message con mi reitterate desiros de un bon anno 1998.
Kjell [log in to unmask]
Kjell Rehnstroem
Vaenortsgatan 87
S-752 64 UPPSALA
Suedia - Sweden
|
