Technicamente hodie es le Die Memorial in le Statos Unite, 30 de maio, que es
assignate a memorializar le soldatos e marineros qui ha morite in le guerra.
Le feria esseva originate in 1868 e su nomine desseva "Die de Decoration",
devotate al decoration del tumbas de soldatos occidite in le Guerra Civil
del Statos Unite.  Mais post plure altere guerras, le nomine ha cambiate se
a "Die Memorial" pro memorializar le mortes.  Proque iste anno 30 de maio
es dominica, le feria del Die Memorial es a lunedi tal que le obreros pote
prender un feria de tres dies.

Heri vespere io invitava plure studentes e facultate a un partita a mi casa.
A causa del feria solmente un parve mais bastante numero de invitates veniva.
Mais io esseva placite proque Natalia, un studente russe de Moscow qui
studia pro su Ph.D. (doctorato del Philosophia) in le contabilitate, habeva
venite con su amica "Stash", un femina de Bulgaria.  Ambe feminas parlava
anglese excellente.  Natalia diceva que illa ha studiate le anglese e altere
linguas ante decider de studiar le comercio.  Ben que io insenia in un
departamento de Psychologia, Natalia deveniva un studente in mi curso super
le "mensuration psychologic", o "le theoria psychometric".  Illa vole studiar
le maniera in que le contabiles decide si o non certe practicas de contabilitate
es "legal".  Evidentemente il ha un certe subjectivitate in tal decisiones.
Assi isto es un topico psychologic.  Io va suggerer a illa que le methodo
de captura le politica es possibilemente un technica que illa pote usar.
Iste technica presenta individuos con multe exemplos del situationes o
secenarios in que illes debe facer un decision.  Le experimentator cognosce
le valores de varie variabiles que describe le situationes o scenarios e
vole studiar per le methodo de regression como iste variabiles contribue a
lor decisiones. Assi on captura le importantia del varie variables a lor
decisiones que representa le "politica" de lor decisiones.

A mi partita io faceva mi punch famose, le recipite de que io ha apprendite
de le Director del Servicio Psychologic al Hospital de Veteranos in 1960.
Dr. Whitmer, su nomine, ha invitate tote le practicantes a su casa post le
horas de labor e in circa 30 minutas nos subito discoperiva que nos esseva
tote ebrie.  Qual punch!

 375 ml del succo de limon, propriemente dilute con aqua
 375 ml del succo del orange, propriemente dilute con aqua

 Adder le partitiones de plure oranges mandarin

 adder alcun sucre (mais non de troppo)

 32 ml de grenadina

 64 ml de cointreau

 375 ml de brandy

 250 ml de alcohol absolute

 1 o 2 litres de  soda.

 Adder plus sucre pro adulciar quanto necesse.

Iste vespere io non ha usate tanto brandy e alcohol, proque mi invitatos
debeva viagiar super le superstrata post partir de mi casa. E hodie on pote
esser liabile si su invitatos ha un accidente quando inebriate como un
resultato de servir les troppo del alcohol.

Si on non ha alcohol absolute, on pote usar le vodka.

Stan Mulaik