Car Allan,
io opina que plure amicos europee de IA ha - desde alcun tempore - tu
mesme ideas. Io es un de illes. Assi, il es probabilmente arrivate le
momento de crear un movimento politic interlinguista, analogamente a
quanto occurreva in le mundo esperantista: p.ex., in Italia nos ha le
FEI (Federation Esperantista Italian), politicamente neutral, e le ERA
(Esperantista Radikala Asociatio), que ha objectivos politic (Esperanto
como lingua auxiliar de UE, Statos Unite de Europa, etc.). Io vide
solmente un problema: le sol objectivo de imponer IA como lingua
auxiliar commun de UE es troppo poco pro crear un nove association. Ante
de isto, nos deberea comprender si nos pote haber alcun altere objectivo
politic possedite in commun. Pro exemplo, favorir le nascentia de un
governamento central europee; o le vision de un Europa del Regiones in
vice que del Statos; etc.

In re UMI: le association "politic" va ager in un area totalmente
distinguite ab illo de UMI, assi io non vide alcun possibilitate de
conflicto. Le duo associationes agera pro conto proprie, e quicunque
vole potera haber "duo cappellos", i.e. esser membro sia de UMI sia del
association politic.

Le ultime cosa que nos debera arrangiar essera le nomine... ma io agrada
le nomine Europia, que tanto simila a le car "Utopia" de Thomas More (ma
io spera de non esser occidite, in un cathedral o fora).

Vale

robocap

Allan Kiviaho scribeva:
> ********************************
> UMI e le organisationes national
> ********************************
>
> Le veritate es que le contactos inter le UMI e le
> plebe (PLEBia) - interlinguistas private e
> associationes national - ha essite minimal. Io crede
> que le functionarios del UMI son personas, qui ha
> importante positiones in le societate e multo pauc
> tempore pro travalia practic pro interlingua.
>
> Un altere cosa es que le UMI es supponite a esser un
> organisation neutral, impartial. Pro isto nos debe
> haber organisationes distincte e.g. pro promover
> interlingua in le Union Europee, proque iste
> activitates non son neutral - nos lucta contra le
> - "nonsacre triumvirato de hegemonistic linguas
>   granfraternal (anglese/francese/germano),
> - "nonsacre duumvirato" ... (francese/germano) e
> - "ultimemente nonsacre monocratia" del anglese
>
> ************************************
> euro<P>ia - EUROpa Parla InterlinguA
> ************************************
>
> COMPANiaROS europias!
>
> Io propone que nos establi un association cuje
> scopo es a facer interlingua le singule lingua
> common pro cosas practic in Europa.
>

--
Archivos e disabonar: http://listserv.icors.org/archives/INTERLNG.html