Le facto que le homine de Piltdown era un falsification non es
particularmente nove. In le historia del scientias e in le scientia
hodierne il ha plure exemplos de fraude, ma in le scientia tal fraudes
es plus o minus tarde revelate, disvelate.
Le prime discopertatores del evolution del species, e Darwin non era le
sol, habeva suspectate un evolution jam antea, pro exemplo nostre
Linnaeus, Linné, le classificator de omne animales e plantas, ma ante
Darwin on non osava pensar de un evolution, malgrado que varie stratos
geologic etc. indicava tal cosas, nam le crede al dogmas religiose era
troppo forte.
Il naturalmente non es particularmente difficile lassar conviver un
crede in un religion, pro exemplo le cristianitate, e le credo in le
evolution secundo Darwon e alteres. A saper, on pote considerar que le
Biblia es le stenogramma del humanos del parola de Deo, date al humanos
in varie tempores e etates.
Le question si on crede in Deo o non es un altere, e illo ego non senti
un besonio discuter in iste liste, que isto sia le cosa de cata persona
de persuader se de si o non.
Nam le problema non es le falsificationes del ideas del evolution, ma
si le biblic description pote esser equal al trovatas, varie stratas,
fossiles etc. In Svedia on discuteva si certe formationes roccose era
causate del Diluvio o un del ultime glaciationes (e il ha habite un
massa de glaciationes e interglaciales in nostre historia). On poteva
mesmo vider certe processos occurrente al momento de observation, e on
poteva comprender que certe altere fenomenos era le resultate de
diluvios, de abrasiion de material transportate per glacie etc.
Del resto, le narration del evolution desde le grande explosion usque
hodie es un multo fantastic narration, multo plus emotionante que
narrationes in alcun libros religiose (in general). Illos veni de
altere tempores e altere situationes. Si nos crede in Deo nos pote
describer nos le situation assi que deo dice lo que le humanos in un
date stadio de evolution poteva comprender.
Nos es multo differente in iste lista: alcunes crede le narrationes del
Biblia, alteres - como ego - es naturicolas, qui ha lor templo in le
natura, in le silva, pro exemplo. Ma nulle de tal credes debe
contradicer le trovatas del scientia. Le crede religiose es static,
dependente del scripturas fundamental, como le Biblia o alteres. Nos
pote eliger le stato creder o non creder, como nos crede a varie
personas o autoritates. Ego pro exemplo crede que Australia existe,
malgrado que ego non ha visitate iste pais. Il ha Australia in mi
mappas del mundo, ego pote inviar litteras a Australia, Ado Hall existe
como contribuente de iste lista, ma forsan ille es un falsicification.
In le mesme veina ille pote creder que ego es un falsification. Ma isto
es cosas que da se provar. Si Ado o ego non existe, nos es exemplos de
un enorme conspiration, in comparation al quales le asertationes
religiose es satis facile perspicer.
Como vos vide on pote reguardar le cosas in varie manieras.
Amicalmente
Kjell R
|
