Stan scribeva:
> Totevia,
>il habeva in le fide baha'i un forte elemento del mysticismo, que io opina
>ha su origines in le traditiones mystic infra le shiite e sufi mysticos
>de iran.  Le mysticismo historicamente ha opponite le doctrinas proque
>su experientia personal del Deo non poteva formular se in parolas.
>Baha'u'llah ha scribite alcun belle scripturas mystic, que es partes del
>fide baha'i que io ancora admira.  Ille esseva un ver mystico.

Si certo, habente multissimo superficial cognoscentia del islam shiitic il
era multo clar a me, legente le libro de Sverre Holmsen que le radices del
religion baha'i es multo profunde in le tendentia shiitic de islam, tal que
illo era describite a me per mi multe studentes iranian,  a qui io
instrueva le svedese.

Fascinante es le collision inter le tradition iranian e occidental de
relationar al materia religiose del medieoriente: judaismo, christianismo e
islam.

Le fide baha'i ha su centro in Haifa, ubi il ha le concilio mundial,
essente le sumito de omne le Concilios National Spiritual.

Stan scribeva etiam:
>Kjell, vos ha usate un parola io non comprehende, "armatitate".  Si il vos
>place, que es su significantia?

Certo, il era un caso de lapso del cerebro. Lo que io voleva dicer era que
le personas habeva un apparition quasi de esser non-armate. Io es in le
processo de cambiar mi rithmo diurnal pro anticipar le transition al hora
normal que evidentemente occurre al fin de iste mense o in novembre! In
Brussela on obviemente non comprende le cambios ci in le nord! Pro isto io
scribeva le estranie parola ante que ir al lecto e le cerebro era jam
preparate a dormir :-)

>Vos evidentemente ha associationes con baha'is. Illes es in tote le paises.

Si il ha un congregation de baha'is ci in Uppsala, que sembla consister ex
un familia irani, multo amicabile, e io veniva in contacto con illos proque
un bahai habeva audite de interlingua e pensava que _isto es le lingua pro
nos_. Io suppone que ille era le sol qui pensava isto. Ben, nos videra...

Nonobstante, pro isto io ha visitate alcun de lor incontros pro apprender
plus de lor fide e al occasion narrar un poco de interlingua. Tamen io non
vole que isto es un transferimento de information solo de me, ma que io
etiam apprende un poco le lor fide. Io ha de facto un excellente
opportunitate facer isto, justo nunc, io ha quasi un ration.

Io ha recipite material in svedese, multo professionalmente facite.

> Io ha habite plure studentes qui esseva baha'is.
>
>Le structura administrative del baha'is ha e elementos democratic e elementos
>authoritari. Que le Guardiano habeva le sol authoritate de interpreta le
>textos sacre del baha'is esseva un aspecto authoritari.  Interessante es que
>ille se ha morite sin designar in su testimento un successor. Io non es certe
>como le fide tracta questiones del interpretation hodie.

Le structura face me pensar del structura del societate sur le planeta
Venus in un libro de van Vogt: Le mundo e Null-A, si io me non equivoca.
Ibi tote le discussiones in un question era transerite del instantia local
al nivello plus alte usque al governo que distribueva le problema al tote
le pais que in un jornata habeva prendite le decission plus apte.

Il es interessante como un tal systema functiona in le realitate. Evidente
le crede bahai usa lo! Pessimista como io es de nacentia e inhibite
cosumine, io pensa que un tal systema pote esser un excellente medio de
manipular un population, ma logicamente un tal systema de prender
decisiones deberea esser efficace.

>Mais recentemente io
>discoperiva a mi surprisa que in le annos post le morte de Shoghi Effendi que
>un del Manos pretende esser le successor designate secretemente per Shoghi
>Effendi.

Compara le idea del imam celate!

>Previemente aquesto anno il habeva messages a varie sitos in le
>interrete (sovente a sitos europee o american) advocante le pretensiones de
>aqueste pretendente a devenir le nove Guardiano.  Evidentemente le bahai's ha
>schismatizate se, ben que aqueste nove pretendente non pare haber un grande
>numero de adherentes.  Io opina que lor centro administrative es in le
>region circa Santa Fe, New Mexico.

Como dicte, secundo mi material svedese le centro es in Haifa. Il ha un
centro official baha'i in Europa, esque tu ha vidite illo?

Caeterea io va  assister a un discurso (un prelection) in re le
"Developpamento moral..." que le baha'is organisa in Uppsala. Io va scriber
de isto postea.

Amicalmente



[log in to unmask]
Kjell Rehnstroem
Vaenortsgatan 87
S-752 64  UPPSALA
Svedia - Sweden