Salutes, Daniele.

Io preca que vos reconsiderar vostre decision de deinscriber.

Io volerea suggerer amicalmente que le situation de INTERLNG forsan non es
si mal como vos pensa. In facto il me pare esser un question de un sol
discussion o debatto concernente correctessa in linguage, le qual de mi
puncto de vista non ha essite multo hostil (ben que multe parolas e
messages ha essite scribite in illo).

In plus, io nota que felicemente il ha habite al minus un nove abonator al
lista post que iste discussion comenciava.

Sia optimista!  :)

-Jeff


> [Original Message]
> From: Daniele Nicolucci (Jollino) <[log in to unmask]>
> To: <[log in to unmask]>
> Date: 1/29/2004 8:31:30 PM
> Subject: [INTERLNG] io pensa super deinscriber me del lista
>
> Amicos,
> io pensa super deinscriber me de iste lista. Isto non es plus un loco
> de practica e de discussion general in interlingua, isto me sembla
> simplemente un arena in le qual personas se batte (vide "Smackdown").
> A parte del discussiones (ma io los appellarea flames, non
> discussiones) super le uso de parolas o locutiones, il ha le habitude
> de cambiar le subject del messages continuamente, e isto rende
> impossibile le recerca o le gruppamento de messages.
> Io quasi non lege plus le messages de INTERLNG, e io me demanda: quante
> nove interlinguistas seque con successo le lista? Quantes non se perde
> in le flames e non es confundite inter le usos acceptabile e
> inacceptabile de parolas? INTERLNG es le "lista madre" de
> interlinguistas, e si on continua assi on non pote lamentar se que
> "necuno sembla interessate a apprender interlingua".
> Si io non erra, il ha un altere lista pro le discussiones linguistic
> ("metadiscussiones"?): illo nasceva pro non obligar illes qui non es
> interessate a illos a non leger los, e pro haber hic un loco de
> discussion general IN interlingua e non SUPER interlingua. De facto, io
> non es inscripte al altere lista... ma si hic il ha solmente confusion
> e flames, io (e alteres, io crede) simplemente va deinscriber me e ciao
> ciao.
>
> Mi duo cents
> Daniele
> --
> Daniele Nicolucci (Jollino)
> "I was blinded by a paradise,
> utopia high in the sky" (Dream Theater)
> http://www.chieti.ch - la community di Chieti e dei teatini!