Un reverendo se promenava per le strata quando ci ille arrivava a un
gruppo de pueros, omne illes de 10 a 12 annos de etate.

Le gruppo faceva un circulo circa un can. Preocupate per le can e
pensante que le pueros va facer alcun cosa mal al povre can ille
diceva in alte voce: "Que face vos con ille can?"
Un del pueros respondeva, "Iste can es solmente un vetere
canacho del vicinitate, ma como nos omne vole levar lo a casa
nos decideva que le uno que pote dicer le plus grande mentita
es le possessor del can".

Claro que le reverendo deveniva atonite... "Ma que dice vos, vos
non debe haber un concurso de dicer mendacios!" ille exclamava.
Tunc, ille comenciava un longe sermon contra le mentitas, dicente
"Non sabe vos, pueros, que il es un peccato dicer mendacios?"
e terminante con, "Guay! Quando io esseva de vostre etate io
jammais diceva alcun mentita!"

Il habeva silentio complete per un minuta pregnante... Ma justo quando
le reverendo esseva pro comenciar a pensar que ille habeva un impacto
positive in le pueros, le plus parve del pueros diceva con un suspiro
multo grande "Ok ok, da le le can a ille!"

--
[log in to unmask]
L(©¿©)K!
   \_='
http://adam.cheshire.net/~jjbowks