Kjell,

   Mi anxie con respecto al uso per  Walter del discussion del determinatores
per Anne es que illo provide solmente un via de usar iste determinatores in
interlingua.  Io opina que le particula "omne" in interlingua ha minus
appoio que altere parolas. Su existentia in le vocabulario es justificate
in parte per le superviventia in le italiano de "ogni", e per le
preferentia, io opina, de Dr. Gode o su linguistas pro parolas de origine
latin quando il ha necun clar prototypos.  Io non es certe que "omnis"
esseva usate solmente in un via, que possibilemente il habeva confusion
inter usage de "totus" e de "omnis" in certe contextos. Mais io opina que
on pote functionar in interlingua sin usar "omne" per sequer le schemas
in que le tres determinatores es exprimite in francese, espaniol o
portugese:

determinator
                                   Interlingua con        Interlingua con
          Francese                 cata, omne, tote       cata, tote
"CATA"   chaque + N singular       Cata + N singular      Cata + N singular
                                   Omne + N singular


"OMNE"   Tout + N singular         Omne + N singular       Tote + N singular
                                   Tote + N singular

"TOTE"   Tous + les + N plural     Tote le + N plural      Tote + le + N plural
         Tout + le,la + N singular Tote le + N singular   Tote le + N singular

Mi anglese e le germano suggere que on anque pote dicer
                                   Tote + N plural  como synonymo con
                                   Tote le + N plural.

                            "Le Deo ama tote homines".
                            "Tote filias al partita recipeva flores".

                            "Tote personas con un carta blanc va al directe."

Que opina alteros?

Stan Mulaik