2004-10-30 kl. 20.54 skrev salivanto:
>
>   Io crede que le systema electoral in le SUA funciona
> satis ben.

Illo functiona multo differentemente que illo ci in Svedia. Un multo
interessante institution in le Statos Unite es isto que on se registra
como votator e al mesme tempore pro le partito al qual on intende
votar. Es isto proque on vole saper plus o minus quante personas va
votar pro un o altere partito?

Secundo le commentos le partitos american, le democrates o republicanos
non es tante permanente como nostre partitos ma in plus organisationes
electoral.

Ci in Svedia on ha, durante le ultime annos, date plus grande spatio a
candidatos individual, assi que illes face un campania electoral
personal, o quasi personal. Le majoritate tamen es fortemente ligate a
lor partitos. Le membros del partitos decide qui debe figurar sur le
balota (schedula de electionh). Omne schedulas de elction es uniforme,
le papiro es identic e illos es imprimite per le autoritate de taxas e
censo popular (si ego ben memora). Nove partitos debe pagar le
impression, ma vetere partitos recipe supporto del stato.

On ha le filosofia que le partitos debe concurrer per lor ideologia e
non per illes qui ha multo moleta. Ma varie organisationes supporta le
varie partitos.

In le processo electoral on marca le candidato sur le lista del partito
que on prefere. Si on non face un marca sur le schedula de election le
votos (secundo le candidatos sur le schedula) es calculate secundo le
ordine sur le balota. On pote per consequente dicer que le membros del
partito (si illes ha le interesse) determina le ordine del candidatos,
assi que le prime habera le prime votos...

Ma on parla multo plus in favor a electiones plus personal.

Como vos vide, nostre systemas electoral es multo differente!

Kjell R