Stan e alteres amicos,

Pro le grande reduction in numeros del ranas in Nederland io ha un altere
explanation que tu describe in tu message de hodie. Hic le factor le plus
importante que ha influite iste reduction, esseva le uso de (troppo) grande
quantitates de fertilisantes chimic in le agricultura intensificate.

Anque le production de enorme massas de excrementos animal per
extension rapide del elevation de bestial (super toto porcos, gallinas e
anates) in le annos post le guerra de 1940-45 ha causate un invenenation
del aquas, in le qual le ranas vive.

Ranas que in mi juvene annos esseva bestias ubiquitari in mi pais, ha
devenite phenomenos rar, al exception in certe regiones ubi on ha potite
purificar sufficientemente le aqua in le fossatos e lacos.

Nunc, circa tres horas ante le fin del anno e mangiante "oliebollen",
io desira a omne amicos e amicas de nostre lista un agradabile fin de anno
e un multo prospere Anno Nove.

Salutes amical de Piet Cleij