> E io usa monstro in le significato de persona
> prodigiose.
   Gratias!

> Taliban, scribite assi, es jam in le vocabulario
> italian, ab arabo talib, persiano anque taleb, pro
> studente, con le desinentia persian del plural
> -an.
   Io non sapeva isto.  Io pensava que le desinentia
es forsan illo del accusativo in arabo, que on usa con
le verbo "esser," quindi "kuntu Taaliban" significa
"io era studente."  Io non numera persiano moderne
inter le linguas que io ha debite studiar, anque si io
studiava persiano ancian (io ha date iste examine
mercuridi).

> Le integralismo es le tendentia a attuar in modo
> integral, sin compromissos, a vices con
> intolerantia, le principios del proprie
> doctrina o ideologia in le vita politic, economic e
> social.
   Si, existe anque hic in America.  Pro iste ration
io vole cambiar de mi domicilio in uno del paises
democratic, como Canada.

> Que es exactemente un PC thug?
   Le P(olitically) C(orrect) thugs es le personas qui
lucta a purificar un lingua sin senso commun.  Le
phenomenon de political correctness in America es un
residuo de nostre hereditage puritan.  De tempore in
tempore, qualque individuo resolve que un parola o
phrase sia offensive pro alicun alteres (qui sovente
non sape que ille parola sia offensive usque a
postea).  Iste PC thugs deveniva vermente offensive
quando lor resolve a cambiar le linguage e le costumes
de alteres.

> Le lucta contra le imbecilles es jam perdite in
> partentia. Il deberea esser plus facile convincer
> totos que in omne societate existe personas qui on
> debe compatir.
   Vermente, tu habe ration.  Isto es le cosa plus
rationabile que io ha audite hodie (io habeva legente
le discursos super le lista AUXLANG).

-Charlie

__________________________________________________
Do You Yahoo!?
Send instant messages & get email alerts with Yahoo! Messenger.
http://im.yahoo.com/