Car Amicas e Amicos,

io exprime mi gratias a totos illes qui ha producite e gerite Interlingua,
assi
como illo es hodie e assi como illo potera esser deman sempre plus
divulgate in
le mundo.
Gratias pro tote le occupar se e etiam sacrificar se pro haber, alsi a me,
facite cognoscer Interlingua.
Gratias pro haber fundate le organisation mundial pro interlingua e plus
organisationes national.
Gratias pro omne action que ha sustenite Interlingua usque nunc e gratias pro
omne opera apta a extender ubique, sin procrastinar, iste patrimonio mundial
que es Interlingua.
Io offere mi labor quotidian e io me ingagia a meliorar mi trainamento pro le
plus efficace apprendimento de Interlingua, mie e del major numero de personas
que io facera le possibile pro interessar, etiam con le adjuta de totos qui
potera facer lo.
Io debe construer un dimension universal pro Interlingua e forsan io non ha
iste capacitate, ma totevia io probara a facer lo.
Io lassa currer mi imagination super milliones de personas qui mittera in
practica Interlingua; a illo non manca le nihil pro esser acceptate como
lingua
auxiliar universal.
Gratias a mi amico Jay Bowks pro haber me scribite que Interlingua es un
lingua
vivente gratia al uso de su membros. E gratias pro su Eigloss.
Gratias a Ingvar Stenström, mi maestro, pro haber scribite in su curso que es
desiderabile "garantir a cata cive un inseniamento elementari de Interlingua".
Gratias pro 46.000 parolas international que vos ha registrate, gratias pro
vostre fatiga e vostre valorose voluntariato.
Gratias a Jan Armann qui me ha introducite in Interlingua e me ha donate su
vocabulario personal.
Gratias a Paolo Castellina qui me ha visitate e me ha munite de un meraviliose
collection de libros de Interlingua e de su vocabulario.
Gratias a Piet Cleij pro su Lista Supplementari de Vocabulos International, e
su labor in le Consilio Executive.
Gratias a Thomas Breinstrup qui in plus vices me ha favorite de su amicitate.
Gratias al Sectiones national le cuje representantes me ha scribite litteras
que io ha multo appreciate pro lor contento human; multe de lores in exponer
expectativas equal al mie.
Gratias pro vostre quotidian messages in le listas e gratias pro illes qui
venira in le listas.
Gratias a totos illes qui tolerara mi marchar in le direction del milliones de
practicantes que io cerca como barriera al guerra, al fame e al ignorantia.

Ciao e bon dominica,

Mario

Mario Malaguti
mailto:[log in to unmask]
Strada Bibano, 9 - 31100 Treviso (Italy)
tel. (+39) 0422 420790 - fax (+39) 0422 420789
http://www.i-gi.com
http://www.telegrupigi.com
http://www.affresco.com

Le texto es publicate etiam in le lista de Roma:
http://www.agora.it/M.Malaguti
Invia tu messages al lista de Roma:
mailto:[log in to unmask]