OCULOS DE ERICIAR

Quando io ambula in le noctes sombre
De luna pauc, strata multe
Obscuritate de fundo de mar
Ebrios a curve angulos
Putas de lumbar curvas
Robatores de pauc moneta
Moneta pauc in le tasca
Io memora mi cordon de auro
Con un cruce etiam de auro
De ubi io mandava retirar le Christo
Que io usava in le sombre noctes
Ora perdite in le tempore
In un tempore que restava perdite
A retro, multo a retro
Detra le tempore abscondite
Ubi io lassava Carolina
Con le oculos de ericiar

Io lassava la illac proque io voleva
Io lassava proque io voleva lassar
In ille plica del tempore
De ubi illa non exira
Si io habeva portate la con me
Per le vias de horas
Que conduce me al ora
Illa haberea inveterate
Proque illa non era de auro
Como le cordon e le cruce
E le tempore la haberea grattate
Le grattamentos del ventos in le argilla
Del ventos que suffla al stratas
Quando io ambula in le noctes sombre
In le noctes que non ha Christo
Ma illos sempre habera Carolina
Con oculos de ericiar


Gratias, Ensjo. Valeu!

Ivan Mourão